جموں, 27 دسمبر (ہ س)۔ منشیات کے خلاف مہم کو تیز کرتے ہوئے جموں و کشمیر پولیس نے ضلع سانبہ میں منشیات سے متاثرہ علاقوں میں کارروائی کے دوران 16 افراد کو حراست میں لے لیا۔حکام کے مطابق خفیہ اطلاع موصول ہونے پر پولیس نے وجے پور تحصیل کے راکھ باروٹیاں علاقے میں منشیات سے متعلق سرگرمیوں کے خدشات کے پیش نظر آپریشن انجام دیا۔ اس دوران کچھ بے گھر افراد کو مشتبہ حالت میں گھومتے ہوئے پایا گیا، جنہیں پوچھ گچھ کے بعد حراست میں لے لیا گیا۔پولیس نے ان تمام افراد کو بی این ایس ایس کی احتیاطی دفعات کے تحت گرفتار کرتے ہوئے ضلع جیل کٹھوعہ منتقل کر دیا۔ حکام کا کہنا ہے کہ یہ اقدام علاقے میں منشیات کی خرید و فروخت اور استعمال پر قابو پانے کی کوششوں کا حصہ ہے۔پولیس نے منشیات کے خلاف زیرو ٹالرنس پالیسی کو دہراتے ہوئے واضح کیا کہ منشیات کے کاروبار اور اس کے استعمال میں ملوث عناصر کے خلاف سخت کارروائیاں بلا تعطل جاری رہیں گی۔ پولیس نے عوام سے بھی اپیل کی ہے کہ وہ چوکس رہیں اور منشیات کے خاتمے کی اس مہم میں قانون نافذ کرنے والے اداروں کے ساتھ تعاون کریں۔

ہندوستھان سماچار

---------------

ہندوستان سماچار / محمد اصغر