امریا، 26 دسمبر (ہ س)۔ مدھیہ پردیش کے امریا ضلع سے گزرنے والی این ایچ-43 پر گھنگھٹی چوکی کے مداری ڈھابے کے پاس جمعرات کی رات دو بجے کے قریب خوفناک سڑک حادثے میں دو لوگوں کی موت ہو گئی، جبکہ 5 زخمی ہو گئے۔

پالی پولیس کے مطابق گھنگھٹی کے مداری ڈھابے کے قریب گزشتہ رات ایک دردناک سڑک حادثے میں سرکاری بولیرو سڑک کنارے کھڑے ٹرک سے ٹکرا گئی۔ حادثے میں بولیرو ڈرائیور اظہار خان (32)، رہائشی مینڈھکی کی موقع پر ہی موت ہو گئی، وہیں جبل پور لے جاتے وقت بھگوتی مرسکولے کی موت پالی کے آگے پہنچتے ہی ہو گئی، جبکہ گاڑی میں سوار 6 لوگ سنگین طور پر زخمی ہو گئے، زخمیوں میں شریا مرسکولے (20)، بھانوشی مراوی (20)، جوہی بنرجی (22)، ساکشی مرسکولے (22) اور میناکشی مرسکولے (26) شامل ہیں۔ ان میں بھگوتی مرسکولے کی موت ہو گئی اور میناکشی مرسکولے کی حالت تشویشناک ہونے پر انہیں جبل پور ریفر کیا گیا ہے۔

جانکاری کے مطابق بولیرو نرسرہا ڈپو سے باندھو گڑھ کی جانب جا رہی تھی۔ گاڑی میں سوار سبھی لوگ ڈی ایف او شہڈول شردھا پیندرو کے خاندانی رکن بتائے جا رہے ہیں، جو نرسرہا ڈپو واقع رہائش گاہ پر کھانے کے بعد نجی سفر پر نکلے تھے۔

اس واقعے نے سرکاری گاڑیوں کے نجی استعمال پر بھی سوال کھڑے کر دیے ہیں، وہیں پالی تھانہ انچارج راجیش چندر مشرا نے بتایا کہ حادثہ رات قریب 1 سے 2 بجے کے درمیان ہوا۔ پولیس نے مرگ قائم کر کے حادثے کی جانچ کر رہی ہے۔

ہندوستھان سماچار

ہندوستان سماچار / انظر حسن