کولکاتا، 25 دسمبر (ہ س)۔ مغربی بنگال کی وزیر اعلیٰ ممتا بنرجی نے بدھ کی رات کو سوشل میڈیا پلیٹ فارم ایکس پر عوام کو کرسمس کی مبارکباد دی۔ اپنی پوسٹ میں، انہوں نے امن، محبت اور ہم آہنگی کا پیغام بڑھاتے ہوئے سب کو ”میری کرسمس“ کی مبارکباد دی۔

وزیراعلیٰ نے اپنے پیغام میں لکھا کہ ”ہر گھر میں امن کا چراغ جلے، خدا دل میں بسے...“۔

اس موقع کی مناسبت سے، ممتا بنرجی نے اپنے ذریعہ لکھے اور کمپوز کئے ایک نئے گیت کو بھی شیئر کیا ہے۔ انہوں نے بتایا کہ یہ گانا معروف گلوکارہ سری رادھا بندیوپادھیائے نے گایا ہے ۔ وزیر اعلیٰ نے کہا کہ وہ کرسمس کے موقع پر یہ گانا سب کے ساتھ شیئر کر رہی ہیں تاکہ امن اور ہم آہنگی کا پیغام ہر گھر تک پہنچ سکے۔

ہندوستھان سماچار

ہندوستان سماچار / محمد شہزاد