جموں, 23 دسمبر (ہ س)۔ جموں و کشمیر یونین ٹیریٹری ڈیزاسٹر مینجمنٹ اتھارٹی نے ایک انتباہ جاری کرتے ہوئے کہا ہے کہ آئندہ چوبیس گھنٹوں کے دوران ضلع ڈوڈہ ، گاندربل، کشتواڑ، پونچھ اور رامبن کے 2800 میٹر سے زائد بلند علاقوں میں کم درجے کے برفانی تودے گرنے کا امکان ہے۔

اتھارٹی کے مطابق اگرچہ خطرے کی سطح کم ہے، تاہم احتیاطی تدابیر اختیار کرنا نہایت ضروری ہے۔ عوام، مسافروں اور سیاحوں کو ہدایت دی گئی ہے کہ وہ برفانی تودوں کے خطرے سے دوچار علاقوں میں غیر ضروری نقل و حرکت سے گریز کریں اور متعلقہ محکموں کی جانب سے جاری کردہ ہدایات پر عمل کریں۔

کسی بھی ہنگامی صورتحال میں فوری امداد کے لیے ایمرجنسی ہیلپ لائن نمبر 112 پر رابطہ کرنے کی اپیل کی گئی ہے۔

ہندوستھان سماچار

ہندوستان سماچار / محمد اصغر