نئی دہلی، 21 دسمبر (ہ س)۔

کانگریس پارٹی نے 26 دسمبر سے لاگو ہونے والے ریلوے مسافر کرایوں میں مرکزی حکومت کے اضافے کی سخت مذمت کی ہے۔ کانگریس کا الزام ہے کہ بجٹ سے چند ہفتے قبل کرایوں میں اضافے کا فیصلہ غلط ہے اور اسے خاموشی اور غیر مجاز طریقے سے نافذ کیاگیا تھا۔

کانگریس کے میڈیا ڈپارٹمنٹ کے سربراہ پون کھیڑا نے سوشل میڈیا پلیٹ فارم ایکس پر کہا کہ حکومت کی طرف سے آج صبح اس سلسلے میں ایک نوٹ صحافیوں میں تقسیم کیا گیا۔ بجٹ سے پہلے ریلوے کے کرایوں میں اضافہ فطری طور پر غلط ہے اور بغیر سرکاری اعلان کے اس معلومات کو گردش کرنا مودی حکومت کے کام کاج پر سوال اٹھاتا ہے۔

قابل ذکر ہے کہ ریلوے نے 26 دسمبر سے مسافر کرایوں میں قدرے اضافہ کیا ہے۔ نئے نظام کے تحت، مسافروں کو 500 کلومیٹر تک غیر اے سی سفر کے لیے اضافی 10 روپے ادا کرنے ہوں گے۔ ریلوے کا استدلال ہے کہ آپریٹنگ لاگت میں پچھلے ایک سال میں 2.5 لاکھ کروڑ روپے سے زیادہ کا اضافہ ہوا ہے، اسی لیے یہ فیصلہ لیا گیا ہے۔

ہندوستھان سماچار

ہندوستان سماچار / عطاءاللہ