نئی دہلی، 15 دسمبر (ہ س)۔ وزیر اعظم نریندر مودی اور مرکزی وزیر داخلہ امت شاہ نے پیر کو مرد آہن سردار ولبھ بھائی پٹیل کو ان کی 75 ویں برسی پر خراج عقیدت پیش کیا۔ دونوں لیڈروں نے قوم کی تعمیر میں سردار پٹیل کے بے مثال تعاون کو یاد کیا۔
وزیر اعظم مودی نے سوشل میڈیا پلیٹ فارم 'ایکس' پر پوسٹ میں لکھا کہ، ہندوستان کے مرد آہن، سردار ولبھ بھائی پٹیل کو ان کی برسی پر خراج عقیدت۔ انہوں نے اپنی زندگی ملک کو متحد کرنے کے لیے وقف کر دی۔ ایک متحد اور مضبوط ہندوستان کی تعمیر میں ان کی شراکت وہ ہے جسے ایک شکر گزار قوم کبھی نہیں بھول سکتی۔
مرکزی وزیر داخلہ امت شاہ نے 'ایکس' پر پوسٹ کیے گئے اپنے پیغام میں سردار پٹیل کو قومی اتحاد کی علامت اور مضبوط ہندوستان کے معمار قرار دیا۔ انہوں نے کہا کہ سردار صاحب نے تمام تر نامساعد حالات کے باوجود ایک بکھرے ہوئے آزاد ہندوستان کو متحد کیا اور اسے ایک مضبوط قوم کی شکل دی۔ ملک کے پہلے وزیر داخلہ کے طور پر، انہوں نے اپنی زندگی کا مقصد مدر انڈیا کی سلامتی، داخلی استحکام اور امن کو یقینی بنایا۔
ہندوستھان سماچار
---------------
ہندوستان سماچار / عبدالواحد
