ممبئی

، 15 دسمبر(ہ س)مہاراشٹر کی اسکول نیوٹریشن، یعنی مڈ ڈے میل

اسکیم میں بڑے مالی گھپلے کا الزام سامنے آیا ہے۔ شیو سینا (ٹھاکرے دھڑا) کے ایم ایل

اے کیلاس پاٹل نے الزام عائد کیا ہے کہ اس اسکیم میں تقریباً 1,800 کروڑ روپے کی

بدعنوانی کی گئی ہے۔ انہوں نے پیر کو ممبئی میں صحافیوں سے گفتگو کرتے ہوئے اس

معاملے کو عوامی مفاد سے جوڑا۔

پاٹل نے

بتایا کہ نیوٹریشن اسکیم کے تحت ٹینڈر کے عمل میں سبز مٹر کی سپلائی کو 134 روپے فی

کلوگرام کے حساب سے منظور کیا گیا تھا، لیکن اسکولوں کو حقیقت میں سفید مٹر فراہم

کیے جا رہے ہیں، جن کی مارکیٹ قیمت تقریباً 30 روپے فی کلوگرام ہے۔ ان کے مطابق

سپلائرز نے کم قیمت کا سامان دے کر زیادہ قیمت کے مطابق بل وصول کیے۔

ایم ایل

اے نے کہا کہ یہ بددیانتی کسی ایک مقام تک محدود نہیں بلکہ ریاست کے مختلف اضلاع

کے اسکولوں میں ہو رہی ہے۔ انہوں نے دعویٰ کیا کہ دستیاب سرکاری ریکارڈ اور نرخ ناموں

میں واضح تضاد پایا جاتا ہے، جو اس مبینہ گھپلے کی طرف اشارہ کرتا ہے۔

کیلاس

پاٹل نے مزید الزام لگایا کہ بچوں کی غذائیت کے لیے مختص فنڈز کا استعمال اصل مقصد

کے بجائے دیگر مقاصد، بشمول انتخابی اخراجات، کے لیے کیا گیا ہے۔ انہوں نے مطالبہ

کیا کہ اس پورے معاملے کی غیر جانبدار اور تفصیلی جانچ کی جائے تاکہ حقیقت عوام کے

سامنے آ سکے اور ذمہ داروں کے خلاف کارروائی ہو سکے۔

ہندوستھان

سماچار

--------------------

ہندوستان سماچار / جاوید این اے