مہاراشٹر: ریاستی الیکشن کمیشن نے بلدیاتی انتخابات کا کیا اعلان ، 15 جنوری کو ووٹنگ، 16 جنوری کو نتائج

ممبئی ،

15 دسمبر(ہ س)۔

مہاراشٹر

میں ممبئی اور تھانے سمیت 29 بلدیاتی اداروں کے طویل عرصے سے زیرالتواء انتخابات

کے پروگرام کا باضابطہ اعلان کردیا گیا ہے۔ ریاستی الیکشن کمیشن نے آج ایک پریس

کانفرنس کے دوران بتایا کہ ان بلدیات کے لیے 15 جنوری کو ووٹنگ کرائی جائے گی جبکہ

16 جنوری کو ووٹوں کی گنتی مکمل ہونے کے بعد نتائج جاری کیے جائیں گے۔ انتخابی

پروگرام کے اعلان کے ساتھ ہی ریاست میں انتخابی ضابطۂ اخلاق نافذ ہو گیا ہے۔

ریاستی

الیکشن کمیشن کے مطابق ان انتخابات میں تقریباً 3 کروڑ 48 لاکھ ووٹر حصہ لیں گے۔

واضح رہے کہ ریاست میں 29 بلدیات کے انتخابات او بی سی ریزرویشن کے مسئلے کے باعث

گزشتہ کئی برسوں سے مؤخر تھے۔ سپریم کورٹ کی ہدایات کے بعد بلدیاتی انتخابات کی

قانونی رکاوٹیں دور ہوئیں، جس کے نتیجے میں پہلے مرحلے میں میونسپل کونسلوں اور

بعض بلدیات کے انتخابات 2 دسمبر کو کرائے گئے، جبکہ اب باقی ماندہ 29 بلدیات کے لیے

انتخابی شیڈول جاری کیا گیا ہے۔

کمیشن کی

جانب سے جاری کردہ تفصیلی پروگرام کے مطابق امیدواروں کے کاغذات نامزدگی 23 دسمبر

سے 30 دسمبر کے درمیان قبول کیے جائیں گے۔ درخواستوں کی جانچ پڑتال 31 دسمبر کو

ہوگی، جبکہ امیدوار 2 جنوری تک اپنی امیدواری واپس لے سکیں گے۔ امیدواروں کی حتمی

فہرست اور انتخابی نشانات 3 جنوری کو شائع کیے جائیں گے۔ ووٹنگ 15 جنوری کو ہوگی

اور نتائج کا اعلان 16 جنوری کو کیا جائے گا۔ ریاستی

الیکشن کمیشن نے بتایا کہ ریاست کی 27 میونسپل کارپوریشنوں کی میعاد مکمل ہو چکی

ہے، جبکہ جالنہ اور اچل کرنجی دو نئی بلدیات ہیں جہاں پہلی بار انتخابات ہوں گے۔

ان انتخابات کے لیے یکم جولائی 2025 کی ووٹر لسٹ کو حتمی بنیاد بنایا گیا ہے، جو

مرکزی الیکشن کمیشن کی جانب سے فراہم کی گئی ہے۔ اس ضمن میں یہ بھی واضح کیا گیا

ہے کہ ریاستی الیکشن کمیشن کو ووٹر لسٹ میں سے کسی نام کو حذف کرنے کا اختیار حاصل

نہیں ہے۔

اعداد و

شمار کے مطابق ریاست بھر میں کل ووٹرز کی تعداد 3.48 کروڑ ہے اور انتخابات کے لیے

39,147 ووٹر سینٹرز قائم کیے جائیں گے۔ صرف ممبئی میں 10,111 ووٹر سینٹرز ہوں گے۔

انتخابی عمل کے لیے 11,349 کنٹرول یونٹس اور تقریباً 22,000 بیلٹ یونٹس استعمال کیے

جائیں گے۔ ریاستی

الیکشن کمیشن نے یہ بھی واضح کیا کہ برہان ممبئی میونسپل کارپوریشن میں واحد رکنی

وارڈ کا نظام نافذ ہے، اس لیے یہاں ووٹر صرف ایک ووٹ ڈالیں گے، جبکہ باقی 28 میونسپل

کارپوریشنوں میں ایک سے پانچ رکنی وارڈز ہونے کی وجہ سے ووٹنگ کا طریقہ مختلف

ہوگا۔

کمیشن

کے مطابق میونسپل کارپوریشن کے انتخابات کے لیے امیدواروں کو درخواستیں صرف آف

لائن طریقے سے داخل کرنا ہوں گی۔ جن امیدواروں کے پاس ذات کی درستگی کا سرٹیفکیٹ

موجود نہیں ہے، انہیں انتخابات کے چھ ماہ کے اندر یہ سرٹیفکیٹ جمع کرانا لازمی

قرار دیا گیا ہے۔ ریاستی

الیکشن کمیشن نے ان تمام 29 میونسپل کارپوریشنوں کی فہرست بھی جاری کی ہے جن میں

انتخابات ہوں گے، جن میں ممبئی، تھانے، پونے، ناگپور، نوی ممبئی، ناسک، پمپری-چنچواڑ،

کلیان ڈومبیولی، وسائی ویرار، شولاپور، کولہاپور، سانگلی-معراج-کپواڑ، احمد نگر،

اکولہ، امراوتی، لاتور، ناندیڑ-واگھالا، میرا بھائیندر، الہاس نگر، چندر پور،

جلگاؤں، مالیگاؤں، دھولیہ، اچل کرنجی، جالنہ، پنویل اور پربھنی شامل ہیں۔

ہندوستھان

سماچار

ہندوستان سماچار / جاوید این اے