شولاپور،9 نومبر(ہ س)۔

شولاپور کے بارشی تحصیل میں وانی گاؤں سے

اطلاع ملی کہ ایک خاتون نے اپنے 14 ماہ کے بیٹے کو مبینہ طور پر زہر دے کر خودکشی

کر لی۔ موقع پر پہنچنے والی پولیس نے خاتون کی لاش برآمد کر کے پوسٹ مارٹم کرانے

کے لیے بھیج دی اور بے ہوش بچے کو فوری طور پر قریبی اسپتال منتقل کیا گیا جہاں اس

کا علاج جاری ہے۔

مقامی

پولیس افسر نے بتایا کہ گھر کی نوکرانی جب صبح کام پر پہنچی تو کھڑکی سے اندر

جھانک کر چیخ اٹھی؛ اس نے پنکھے سے لٹکی خاتون اور بستر پر بے حس و حرکت بچے کا

منظر دیکھا۔ اطلاع ملتے ہی پولیس موقع پر پہنچی اور ابتدائی کارروائی کی گئی۔

ابتدائی

اطلاعات کے مطابق خاتون نے پہلے بچے کو زہر دیا اور بعد ازاں خودکشی کی، مگر تفتیشی

افسران نے واضح کیا ہے کہ حتمی نتیجہ پوسٹ مارٹم اور طبی رپورٹس کی بنیاد پر ہی

سامنے آئے گا۔ واقعے کی مکمل چھان بین جاری ہے اور پولیس نے گھر کے دیگر افراد کے

بیانات قلمبند کرنے شروع کر دیے ہیں۔

متوفیہ

کی شناخت انکیتا ویبھو یوکردے جبکہ بچے کا نام انوک یوکردے درج کیا گیا ہے۔ تفتیش

کاروں نے بتایا کہ انکیتا کی شادی چار سال قبل ویبھو وکاس یوکردے سے ہوئی تھی اور

واقعے کے وقت گھر کے تمام افراد کام پر گئے ہوئے تھے۔ پولیس مزید شواہد اکٹھے کر

کے واقعے کے محرکات معلوم کرے گی۔

ہندوستھان

سماچار

ہندوستان سماچار / جاوید این اے