حیدرآباد، 9 نومبر(ہ س)۔

تلنگانہ کے وزیرٹرانسپورٹ پونم پربھاکرنے حیدرآباد کے جوبلی ہلز اسمبلی حلقہ کے ضمنی انتخاب میں کانگریس کو کامیاب بنانے کی رائے دہندوں سے اپیل کی۔انہوں نے اس سلسلہ میں جاری ویڈیوپیام میں جوبلی ہلز کے عوام کو اس ضمنی انتخاب کو اپنے علاقے کی ترقی کے لئے ایک موقع کے طورپراستعمال کرنا چاہیے۔انہوں نے کہا کہ کانگریس پارٹی اقتدارمیں ہے، اسی لئے جوبلی ہلز کی ترقی کے لئے یہ ایک بہترین موقع ہے۔ جوبلی ہلز کی ترقی صرف برسر اقتدار کانگریس پارٹی کے ذریعہ ہی ممکن ہے۔ پونم پربھاکر نے یاد دلایا کہ ماضی میں کنٹونمنٹ کے ضمنی انتخابات میں عوام نے ترقی کے نام پر کانگریس کو کامیاب کیا تھا۔انہوں نے عوام سے اپیل کی کہ جوبلی ہلز کے مقامی، نوجوان اورتعلیم یافتہ کانگریس امیدوارنوین یادوکواپنی قیمتی ووٹ دے کر کامیاب بنائیں۔وزیرموصوف نے ہرووٹرسے اپیل کی کہ وہ لازمی طورپراپنے ووٹ کا حق استعمال کریں۔

ہندوستھان سماچار

ہندوستان سماچار / محمدعبدالخالق