علی گڑھ، 9 نومبر (ہ س)۔

علی گڑھ مسلم یونیورسٹی کے سابق طالب علم اور بامبے مرکنٹائل بینک کے ڈائریکٹرایڈوکیٹ انیس الحق کواب بینک کی کسٹمرسروس کمیٹی کا چیئرمین بھی مقررکیا گیا ہے۔ ان کی تقرری بینک کے بورڈ آف ڈائریکٹرز کے حالیہ اجلاس میں کی گئی۔ ایڈوکیٹ انیس الحق کی تازہ ترین تقرری، ریزرو بینک آف انڈیا (آر بی آئی) کے رہنما خطوط کے مطابق، بینک کے کسٹمر سروس سسٹم کو مضبوط بنانے کی جانب ایک اہم قدم سمجھا جاتا ہے۔ گزشتہ سال وہ مسلسل چوتھی مدت کے لیے بلا مقابلہ ڈائریکٹر منتخب ہوئے اور 2029 تک اس عہدے پر رہیں گے۔ایڈوکیٹ انیس الحق، جو ایک طویل عرصے سے بامبے مرکنٹائل بینک سے وابستہ ہیں، بینک کی انتظامیہ میں کئی اہم کردارادا کر چکے ہیں۔ ان کی قیادت اور تجربے کو بینک کی پالیسی کی سمت کی تشکیل میں ہمیشہ اہم سمجھا جاتا رہا ہے۔ حال ہی میں، انیس الحق کو نیشنلائزڈ پنجاب نیشنل بینک اورانڈین بینک کے ایڈووکیٹ پینل کے لیے بھی نامزد کیا گیا تھا۔

بینکنگ سیکٹر میں اپنے کام کے ساتھ ساتھ ایڈوکیٹ انیس الحق مرکزی حکومت کی جانب سے گورنمنٹ پلیڈر کے طور پر بھی کام کرتے ہیں۔ وہ دہلی ہائی کورٹ، سنٹرل ایڈمنسٹریٹو ٹریبونل، اور آرمڈ فورسز ٹریبونل سمیت سپریم کورٹ اور ہائی کورٹس میں مختلف مقدمات میں ہندوستان کی کچھ نمایاں کمپنیوں کی نمائندگی کرتے ہیں۔

وہ حج کمیٹی آف انڈیا کے اسٹینڈنگ کونسل بھی ہیں، جو حج کمیٹی سے متعلق عدالتی معاملات کو سنبھالتے ہیں۔علی گڑھ مسلم یونیورسٹی سے قانون کی ڈگری حاصل کرنے والے انیس الحق زمانہ طالب علمی میں بہت متحرک تھے۔ انہوں نے کئی کمیٹیوں میں فعال عہدوں پر فائز رہے جن میں اے ایم یو کی این ایس ایس یونٹ، لاء سوسائٹی کمیٹی اور ایس ایس ہال (نارتھ) کے سینئر ہال شامل ہیں۔ انہوں نے طلبہ کی فلاح و بہبود کے لیے مختلف سطحوں پر خدمات انجام دیں۔ان کی کامیابی اے ایم یو کمیونٹی کے لیے فخر کی بات ہے اور یہ ملک بھر میں یونیورسٹی کے سابق طلباء کے بڑھتے ہوئے اثر و رسوخ کا ایک اور ثبوت ہے۔

ہندوستھان سماچار

ہندوستان سماچار / سید کامران علی گڑھ