سری گرونانک کی یوم پیدائش تقاریب، 5 نومبر کو وشال دیوانحیدرآباد، 4 نومبر (ہ س)۔ پہلے سکھ گرو اور سکھ مذہب کے بانی سری گرونانک دیوجی کی 556 ویں یوم پیدائش تقاریب، پرکاش اتسو کے سلسلہ میں سکھوں کی جانب سے آج مقدس جلوس نگرکیرتن، گردوارہ سنگھ سبھا، اشوک بازارسے نکالا گیا جو افضل گنج، سدی عنبر بازار، جام باغ، پتلی باولی، سنٹرل گردوارہ صاحب گولی گوڑہ سے گزرتے ہوئے شام میں گردوارہ سنگھ سبھا پہنچا۔ خوبصورتی کے ساتھ سجائی گئی ایک گاڑی میں سری گروگرنتھ صاحب جی کے ساتھ یہ جلوس نکالا گیا جس کے دوران سکھ نوجوانوں نے مارشل آرٹ ’گٹکا‘ میں ان کی مہارت کے مظاہرے کیے۔ کیرتنی جتھوں نے شاہ بادکیرتنس پیش کئے۔ پربندھک کمیٹی صدور ستویندر سنگھ بگا، ایس بلدیوسنگھ بگا، جسپال سنگھ ٹوٹیجا، نائب صدر، جنرل سکریٹریزجگموہن سنگھ ، جوگیندرسنگھ ، مجرال، سکریٹری ہرپریت سنگھ گلاٹی اور دیگرکمیٹی ممبرس نے کہا کہ ان تقاریب کے سلسلہ میں وشال دیوان ( بڑا اجتماع ) 5 نومبرکوصبح 10 تا 4 بجے شام نمائش میدان نامپلی حیدرآباد میں منعقد کیا جائے گا، جس میں25 ہزارسے زائدسکھ اوردوسری کمیونٹی کے افرادشرکت کرینگے۔ اس تقریب میں مشہور راگی جتھوں کی جانب سے گربانی کیرتنس پیش کئے جائیں گے جنہیں شاہ باد کیرتنس پیش کرنے کیلئے ملک کے مختلف مقامات سے مدعو کیا گیا ہے۔ اجتماع کے اختتام پرشرکاء کیلئے گرو کا لنگر (فری کمیونٹی کچن) کا اہتمام رہے گا۔ ان تقاریب کے سلسلہ میں نائیٹ کیرتن دربارمنعقد ہوں گے جس میں نائیٹ کیرتن دربار 5 نومبرکو 9 تا 2 بجے شب گردوارہ سری گرو سنگھ سبھا، افضل گنج پرمنعقد ہوگا، جس میں مشہورراگی جتھے گربانی کیرتنس پیش کریں گے ۔ ہندوستھان سماچار

ہندوستان سماچار / محمدعبدالخالق