آندھرا پردیش کے الوری سیتا رام راجو ضلع میں ہلکے زلزلہ کے جھٹکےحیدرآباد، 4 نومبر(ہ س)۔ آندھراپردیش کے ضلع الوری سیتارام راجو ضلع میں منگل کی صبح ہلکے زلزلہ کے جھٹکے محسوس کئے گئے۔ زلزلہ کی شدت ریکٹر اسکیل پر 3.7 ریکارڈ کی گئی۔ اس کے اثرات وشاکھاپٹنم کے مختلف علاقوں میں بھی محسوس کئے گئے۔ صبح 4 بجکر 18 منٹ پر آریلووا اور اڈوی ورم، جبکہ 4 بج کر 16 منٹ پرمادھودھارا، مرلی نگر، رام نگر، اکیا پالم، ایچ بی کالونی، الی پورم، انڈادا، بھیملی اور پیندورتی علاقوں میں ہلکے جھٹکے محسوس کئے گئے۔ بھیملی بیچ روڈ، پیندورتی اور سمہاچلم میں زوردار آواز کے ساتھ زمین ہلنے سے عوام خوفزدہ ہو گئے اور گھروں سے باہر نکل آئے۔انہوں نے ایک دوسرے سے فون کرتے ہوئے خیریت دریافت کی۔ ان جھٹکوں میں کسی جانی نقصان یا پھر کسی مالی نقصان کی کوئی اطلاع نہیں ملی ہے۔ ہندوستھان سماچار

ہندوستان سماچار / محمدعبدالخالق