شملہ، 24 نومبر (ہ س) ۔

اتوار کی دیر رات ایک المناک حادثے نے شملہ کے پورے علاقے کو ہلا کر رکھ دیا۔ایک پٹواری کے گھر کے قریب کھڑی ایک کار اچانک کھائی میں جاگری۔ حادثے میں پٹوارئی کی موت ہو گئی۔

یہ حادثہ بالو گنج پولس تھانہ حدود کے زیریں ڈھنڈا علاقہ میں اس وقت پیش آیا جب ایک شخص اپنی کار اپنے گھر کے قریب پارک کرنے کی کوشش کر رہا تھا۔ پیچھے ہٹتے ہوئے گاڑی اچانک کنٹرول کھو بیٹھی۔

اطلاعات کے مطابق اس وقت ان کی بھانجی بھی کار میں موجود تھی جسے وہ پہلے ہی اتار چکے تھے۔ اس کے بعد انہوںنے کار کو اپنے گھر کے قریب پارک کرنے کی کوشش کی لیکن گاڑی اچانک توازن کھو بیٹھی اور سیدھی کھائی میں جاگری۔ حادثے کی آواز سن کر اہل خانہ اور آس پاس کے رہائشی جائے وقوعہ پر پہنچ گئے اور شدید زخمی ڈرائیور کو باہر نکال کر ہسپتال لے گئے جہاں وہ بعد میں دوران علاج دم توڑ گیا۔

مرنے والے کی شناخت راکیش کمار عرف پنکو (48) کے طور پر کی گئی ہے، جو فوج سے ریٹائر ہونے کے بعد شملہ میں پٹواری کے طور پر کام کر رہا تھا۔ پولیس آج پوسٹ مارٹم کر رہی ہے اور حادثے کی وجوہات کی جانچ کر رہی ہے۔ ابتدائی تحقیقات سے پتہ چلتا ہے کہ ڈرائیور کار کو پیچھے کرتے ہوئے کنٹرول کھو بیٹھا جس کے نتیجے میں یہ المناک حادثہ پیش آیا۔

ہندوستھان سماچار

ہندوستان سماچار / عطاءاللہ