سرینگر، 17 نومبر (ہ س): ۔جموں و کشمیر پولیس کے سینئر افسران نے پیر کو مقام شاہوالی، درگمولہ کا دورہ کیا، جہاں انہوں نے مرحوم انسپکٹر شاہ اسرار الحق کے اہل خانہ سے ملاقات کی، جو جمعہ کی رات نوگام پولیس اسٹیشن میں حادثاتی دھماکے میں شہید ہو گئے تھے۔ تفصیلات کے مطابق، اے ڈی جی پی سی آئی ڈی نتیش کمار اور ایس ایس پی سی آئی کے طاہر اشرف بھٹی تعزیت کرنے اور غمزدہ خاندان کے ساتھ اپنی حمایت کا اظہار کرنے رہائش گاہ پر پہنچے۔ افسران نے لواحقین سے بات چیت کی، مرحوم کے لیے دعا کی اور انہیں یقین دلایا کہ محکمہ پولیس اس مشکل وقت میں ہر ضروری مدد کرے گا۔انہوں نے انسپکٹر اسرار کو ایک قابل اور مخلص افسر کے طور پر یاد کیا جس کی پیشہ ورانہ مہارت اور انسانی رویہ کو فورس میں بڑے پیمانے پر سراہا گیا۔ دونوں افسران نے اس بات پر زور دیا کہ محکمہ نوگام واقعے سے متاثرہ تمام خاندانوں کے ساتھ متحد ہے اور اس بات کا اعادہ کیا کہ جامع امدادی اقدامات کو یقینی بنایا جا رہا ہے۔ انسپکٹر شاہ اسرار الحق ان نو افراد میں شامل تھے جو اس شدید دھماکے میں ہلاک ہوئے جب پولیس اسٹیشن نوگام میں بارودی مواد کی جانچ کی جا رہی تھی۔ہندوستھان سماچار

ہندوستان سماچار / Aftab Ahmad Mir