اداکارہ مہیما چودھری اور سنجے مشرا پہلی بار بڑے پردے پر ایک ساتھ نظر آنے والے ہیں۔ ان کی آنے والی فلم، جس کا نام درلبھ پرساد کی دوسری شادی ہے، کو پہلے ایک پوسٹر کے ساتھ ریلیزکیا گیا تھا۔ اب، فلم سازوں نے دوسرا پوسٹر جاری کیا ہے، جو مقبول فلم دل والے دلہنیا لے جائیں گے کے کلاسک پوسٹر کی یاد تازہ کرتا ہے۔ جس طرح ڈی ڈی ایل جے کے پوسٹر میں کاجول کو کتاب اور شاہ رخ خان کو گٹار کے ساتھ دیکھا گیا، اسی طرح نئے پوسٹر میں مہیما اور سنجے ایک ہی پوز میں نظر آ رہے ہیں۔
پوسٹر کے کیپشن نے توجہ مبذول کرائی: اداکار سنجے مشرا نے فلم کا نیا پوسٹر سوشل میڈیا پر شیئر کرتے ہوئے لکھا، ہو لے جائیں گے لے جائیں گے، دل والے دلہنیا لے جائیں گے۔ ارے رہ جائیں گے رہ جائیں گے، پیسہ والے دیکھتے رہ جائیں گے۔ پوسٹر میں، مہیما اور سنجے ایک دوسرے کے ساتھ پشت کے ساتھ بیٹھے ہوئے نظر آ رہے ہیں، دونوں کتابیں پکڑے ہوئے ہیں اور پرانی یادیں تازہ کر رہے ہیں۔ فلم کے ہدایت کار سدھانت راج ہیں۔ تاہم، میکرز نے ابھی تک ریلیز کی تاریخ کا اعلان نہیں کیا ہے۔
شائقین پرجوش ہیں کیونکہ درلبھ پرساد کی دوسری شادی کے نئے پوسٹر نے سوشل میڈیا پر طوفان برپا کر دیا ہے۔ شائقین اس منفرد جوڑی کو ایک ساتھ دیکھنے کے لیے پرجوش ہیں۔ پوسٹر نے تجسس اور ہنسی دونوں کو جنم دیا ہے اور اب سب کی نظریں اس کی ریلیز کی تاریخ پر لگی ہوئی ہیں۔
---------------
ہندوستان سماچار / عبدالسلام صدیقی
