نئی دہلی، 9 اکتوبر (ہ س)۔ گھریلو شیئر بازار آج ابتدائی کاروبار کے دوران مسلسل اتار چڑھاو کے درمیان دباو میں نظر آرہا ہے۔ آج کے کاروبار کی شروعات سبقت کے ساتھ ہوئی تھی۔ حالانکہ بازار کھلتے ہی فروخت کنندگان اور خریداروں کے درمیان ایک دوسرے پر حاوی ہونے کی کوشش شروع ہوگئی، جس کی وجہ سے سینسیکس اور نفٹی دونوں انڈیکس میں اتار چڑھاو ہونے لگا۔

صبح 10 بجے تک کا کاروبار ہونے کے بعد شیئر مارکیٹ کے بڑے شیئروں میں سے ٹاٹا اسٹیل، ڈاکٹر ریڈی کی لیبارٹریز، سیپلا، ہنڈالکو انڈسٹریز، اور ریلائنس انڈسٹریز کے شیئر 2.69 فیصد سے لیکر0.56 فیصد کی مضبوطی کے ساتھ کاروبار کر رہے تھے۔ دوسری طرف ٹاٹا موٹرز، بجاج فائنانس، کوٹک مہندرا، ٹائٹن کمپنی اور ایکسس بینک کے شیئر 1.36 فیصد سے لیکر 0.30 فیصد کی کمی کے ساتھ کاروبار کرتے ہوئے نظر آرہے تھے۔

ابھی تک کے کاروبار میں شیئر مارکیٹ میں 2,097 شیئروں میں ایکٹو ٹریڈنگ ہورہی تھی۔ ان میں سے 1,222 شیئر منافع کما کر سب نشان میں، جبکہ 875 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 13 شیئر خریداری کی حمایت سے سبز نشان میں برقرار تھے۔ دوسری طرف فروخت کے دباو کی وجہ سے 13 شیئر سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 29 شیئر سبز نشان میں اور 21 شیئر سرخ نشان میں کاروبار کرتے ہوئے نظر آرہے تھے۔

بی ایس ای کا سینسیکس آج 126.34 پوائنٹس کے اضافے کے ساتھ 81,900 کی سطح پر کھلا۔ کاروبار کی شروعات ہوتے ہی فروخت کا دباو بننے کی وجہ سے تھوڑی ہی دیر میں یہ انڈیکس گر کر سرخ نشان میں 81,742.68 پوائنٹس تک پہنچ گیا۔ اس کے بعد خریداروں نے خریداری کا زور بنا دیا جس کی وجہ سے انڈیکس کی حرکت میں تیزی آگئی۔ خریداری کی حمایت سے پہلے 15 منٹ کے کاروبار کے بعد ہی سینسیکس چھلانگ لگا کر 82,009.32 تک پہنچ گیا۔حالانکہ یہ تیزی زیادہ دیر قائم نہیں رہ سکی۔ اس کے بعد فروخت کا دباو بننے کی وجہ سے اس انڈیکس میں دوبارہ گراوٹ آگئی۔ بازار میں مسلسل خرید و فروخت کے درمیان سینسیکس صبح 10 بجے تک 20.81 پوائنٹس گر کر 81,752.85 پر کاروبار کر رہا تھا۔

سینسیکس کی طرح این ایس ای کے نفٹی نے بھی آج 28.15 پوائنٹس کی چھلانگ لگاکر 25,074.30 پوائنٹس پر تجارت شروع کی۔ مارکیٹ کھلتے ہی فروخت کے دباو کے باعث انڈیکس 25,032.25 پوائنٹس تک گر گیا۔ اس کے بعد خریداروں نے خریداری شروع کردی جس کی وجہ سے انڈیکس کی حرکت میں تیزی آگئی۔ مسلسل خریداری کی حمایت کے ساتھ نفٹی نچلی سطح سے بحال ہوا اور کاروبار کے 15 منٹ کے اندر ہی 25,120.35 پوائنٹس تک پہنچ گیا۔ اس کے بعد مارکیٹ میں ایک بار پھر فروخت شروع ہوگئی جس کی وجہ سے انڈیکس کی حرکت میں کمی آگئی۔ بازار میں مسلسل خرید و فروخت کے درمیان صبح 10 بجے تک کاروبار ہونے کے بعد نفٹی 8.75 پوائنٹس کی کمی کے ساتھ 25,037.40 پوائنٹس پر کاروبار کر رہا تھا۔

ہندوستھان سماچار

---------------

ہندوستان سماچار / انظر حسن