ناسک،

10 اکتوبر (ہ س)۔

کانگریس کے ریاستی

صدر ہرش وردھن سپکال نے سپریم کورٹ میں پیش آئے واقعہ پر شدید ردِعمل ظاہر کرتے

ہوئے کہا کہ چیف جسٹس بھوشن گوئی پر حملے کی کوشش صرف عدلیہ پر نہیں بلکہ ملک کی

جمہوری بنیادوں پر حملہ ہے۔ انہوں نے کہا کہ اس واقعے کے پسِ منظر کو عوام سے پوشیدہ

رکھا جا رہا ہے، اور حکومت و عدالتی انتظامیہ کو فوری وضاحت دینی چاہیے۔

سپکال

نے ناسک میں ایک پارٹی میٹنگ کے دوران صحافیوں سے گفتگو کرتے ہوئے کہا کہ کانگریس

اس واقعے کے خلاف ریاست بھر میں احتجاجی تحریک چلا رہی ہے۔ انہوں نے کہا کہ

ہم مطالبہ کرتے ہیں کہ حملہ آور وکیل کے مکمل نام اور اس کی شناخت کو ظاہر کیا

جائے۔ ان کے مطابق اس طرح کی پردہ پوشی ماضی میں بھی حساس سیاسی معاملات میں

دیکھی گئی ہے۔

انہوں

نے کہا کہ عدالت کے اندر پیش آیا یہ واقعہ منووادی نظریے کی اس بڑھتی ہوئی ذہنیت

کا نتیجہ ہے جو جمہوری اداروں کو کمزور کر رہی ہے۔ سپکل نے ڈومبیولی میں کانگریس

کارکن ماما پگارے پر حملے کا ذکر کرتے ہوئے کہا کہ “ایک کارکن کو صرف اظہار رائے کی

آزادی کے حق میں سوشل میڈیا پر پوسٹ کرنے پر نشانہ بنایا گیا۔”

انہوں

نے عوام سے اپیل کی کہ وہ ایسے معاملات پر خاموشی اختیار نہ کریں۔ اگر ہم نے

اپنی آواز نہ اٹھائی تو ایسے خطرناک رجحانات مزید بڑھیں گے اور معاشرہ خاموش

تماشائی بن جائے گا۔

سپکال

ناسک روڈ پر اتسو منگل کھرنڈ میں منعقدہ شمالی مہاراشٹر کے کانگریسی

عہدیداروں کی میٹنگ کی صدارت کر رہے تھے، جہاں بلدیاتی انتخابات کے سلسلے میں تنظیمی

حکمت عملی پر بھی تبادلہ خیال کیا گیا۔

ہندوستھان

سماچار

--------------------

ہندوستان سماچار / جاوید این اے