گاندھی نگر، 09 اکتوبر (ہ س)۔ مرکزی ریلوے اور آئی ٹی وزیر اشونی ویشنو اور گجرات کے وزیر اعلی بھوپیندر پٹیل نے جمعرات کو مہسانہ میں وائبرنٹ گجرات ریجنل کانفرنس (وی جی آر سی ) تقریب سے قبل منعقد ٹریڈ شو اور نمائش کا افتتاح کیا۔

اس موقع پر وزیر خزانہ کنو بھائی دیسائی، وزیر صحت رشیکیش بھائی پٹیل اور صنعت کے وزیر بلونت سنگھ راجپوت موجود تھے۔ ریاستی محکمہ اطلاعات نے ایک بیان میں بتایا کہ مرکزی وزیر، وزیر اعلیٰ اور دیگر معززین نے وی جی آر سی نمائش کا دورہ کیا، جس میں مختلف شعبوں کی مصنوعات، اختراعات اور ٹیکنالوجیز کی نمائش کی گئی تھی۔ یہ تقریب آتم نربھر بھارت، ووکل فار لوکل اور پائیدار اقتصادی ترقی کے وژن کو آگے بڑھانے کے لئے اختراع کاروں، کاروباری افراد، سرمایہ کاروں،بہت چھوٹے، چھوٹے اور درمیانے درجے کے کاروباری اداروں (ایم ایس ایم ای)، اسٹارٹ اپس، غیر ملکی خریداروں، کئی بڑی کمپنیوں، سرکاری محکموں، پبلک سیکٹر انٹرپرائزز اور عالمی شراکت داروں کو ایک ساتھ لانے کی کوشش ہے۔

قابل ذکر ہے کہ نمائش کے تقریباً 18,000 مربع میٹر پر محیط تجارتی شو کا انعقاد کیا جا رہا ہے، جس میں زراعت اور خوراک کی ڈبہ بندی اور قابل تجدید توانائی کے شعبوں کے 400 سے زائد نمائش کنندگان شرکت کر رہے ہیں۔ اس کے علاوہ ، ٹورینٹ، ویلسپن، این ایچ پی سی، این ٹی پی سی، کوسول، سوزلون، اواڈا، نرما، آئی این او ایکس، اڈانی، ماروتی سوزوکی، پاور گرڈ کارپوریشن لمیٹڈ اور او این جی سی جیسی سرکردہ کارپوریٹس بھی شرکت کر رہی ہیں۔

نمائش کے ایک حصے کے طور پر، دودھ ساگر ڈیری، او این جی سی، ویسٹرن ریلوے اور میک کین فوڈز جیسی تنظیموں کے ساتھ وینڈر ڈیولپمنٹ پروگرام (وی ڈی پی ) کا اہتمام کیا جائے گا، جس کا مقصد صنعت کے روابط کو مضبوط بنانا اور مقامی صنعتوں کی ترقی کو فروغ دینا ہے۔

وائبرنٹ گجرات علاقائی کانفرنس ہر گھر سودیشی، گھر گھر سودیشی، کے موضوع کے ساتھ مقامی کاروباری، دیہی اختراعات اور کمیونٹی کی ترقی کی طاقت کا جشن منائے گی۔ یہ تقریب علاقائی بااختیار بنانے، عالمی تعاون اور پائیدار ترقی کو تقویت بخشے گی، جس سے ”وکست گجرات سے وکست بھارت“ کے وژن کو پورا کرنے کی کوششوں کو مزید تقویت ملے گی۔

اس تجارتی شو اور نمائش کے افتتاح کے موقع پر محکمہ صنعت کی پرنسپل سکریٹری ممتا ورما، محکمہ توانائی کے ایڈیشنل چیف سکریٹری ایس جے حیدر، مختلف محکموں کے سکریٹری، ضلع کلکٹر ایس کے پرجاپتی اور ریاستی حکومت کے محکموں کے افسران اور عہدیداروں کے ساتھ ساتھ بہت سے صنعت کار اور سرمایہ کار موجود رہے۔

ہندوستھان سماچار

ہندوستان سماچار / محمد شہزاد