ممبئی

، 8 اکتوبر(ہ س)۔

برطانوی وزیر اعظم کیر اسٹارمر نے ممبئی کے

دورے کے دوران بھارت اور برطانیہ کے درمیان تعلقات کو مزید مضبوط کرنے کے لیے

متعدد اہم اقدامات کا اعلان کیا، جن میں فلم سازی، کھیلوں کے روابط اور تجارتی

تعاون کو وسعت دینا شامل ہے۔ انہوں نے کہا کہ یش راج فلمز(وائی آر ایف) 2026

کے آغاز سے برطانیہ میں تین بڑی فلموں کی شوٹنگ کرے گی، جس سے تقریباً 3000 نئی

ملازمتیں پیدا ہوں گی اور معیشت کو نمایاں فروغ حاصل ہوگا۔

یہ

اعلان یش راج اسٹوڈیوز کے دورے کے دوران کیا گیا، جس میں برطانوی فلم انڈسٹری کے

ممتاز ادارے جیسے برٹش فلم انسٹی ٹیوٹ، برٹش فلم کمیشن، پائن ووڈ اسٹوڈیوز اور ایلسٹری

اسٹوڈیوز کے نمائندے شریک تھے۔ اسٹارمر کے ممبئی پہنچنے پر مہاراشٹر کے وزیر اعلیٰ

نے ان کا خیرمقدم کیا اور دونوں ممالک کے درمیان اسٹریٹجک شراکت داری کو مستحکم

قرار دیا۔

بعد

ازاں، اسٹارمر نے 100 سے زائد برطانوی و ہندوستانی کاروباری شخصیات اور سرمایہ

کاروں سے خطاب کرتے ہوئے کہا کہ آنے والا انڈیا-یو کے فری ٹریڈ ایگریمنٹ دونوں

ملکوں کے درمیان تجارت کے نئے دور کا آغاز کرے گا۔ انہوں نے زور دیا کہ ٹیکسٹائل،

آٹوموٹیو، ٹیکنالوجی، اور مشروبات کی صنعتیں اس معاہدے سے براہِ راست فائدہ اٹھائیں

گی۔

اس کے

بعد اسٹارمر نے کوپریج فٹبال گراؤنڈ میں پریمیئر لیگ شوکیس کے افتتاح میں شرکت کی،

جہاں انہوں نے سابق انگلش فٹبالر مائیکل اوون کے ہمراہ نوجوان ہندوستانی کھلاڑیوں

سے ملاقات کی۔ انہوں نے کہا کہ کھیلوں کے ذریعے دونوں قوموں کے درمیان تعلقات میں

گرمجوشی اور باہمی سمجھ کو فروغ دیا جا سکتا ہے۔

ہندوستھان

سماچار

--------------------

ہندوستان سماچار / جاوید این اے