بہار اسمبلی کی تمام سیٹوں پر شنکرآچاریہ آزاد امیدوار کے طور پر گو بھکت کو لڑائیں گےسہرسہ، 8 اکتوبر (ہ س)۔ جگد گرو شنکرآچاریہ سوامی اوی مکتیشورانند سرسوتی نے بہار میں سناتن کی سیاست کا بگل بجا دیا ہے۔ وہ اپنے دورہ بہار کے تحت آج سہرسہ پہنچے۔ اس موقع پر انہوں نے گو مت داتا سنکلپ یاترا کی قیادت کی۔ میڈیا سے بات کرتے ہوئے انہوں نے اعلان کیا کہ وہ بہار کے تمام اسمبلی حلقوں میں اپنے گو بھکت امیدوار کھڑے کریں گے۔بدھ کے روز بہار کے سہرسہ پہنچے سوامی اویمکتیشورانند سرسوتی مہاراج نے کہا، سناتن دھرم کا تحفظ تب ہی ممکن ہے جب ہم گائے کی حفاظت کریں۔ گائے کی حفاظت نہ صرف ہمارے عقیدے کا معاملہ ہے، بلکہ یہ ہمارے معاشرے اور ثقافت کی بنیاد بھی ہے۔ انہوں نے سبھی پر زور دیا کہ وہ آئندہ اسمبلی انتخابات میں صرف ان امیدواروں کو ووٹ دیں جو گائے کے تحفظ کے بارے میں واضح اور پرعزم ہوں۔ شنکرآچاریہ جی نے وضاحت کی کہ ہم تما قومی پارٹیوں کے دہلی میں واقع دفتر گئے اور ان سے کہا کہ وہ گائے کو راشٹر ماتا قرار دینے پر لوک سبھا میں اپنا موقف پیش کریں۔ تاہم ابھی تک کسی سیاسی جماعت نے اس معاملے پر اپنا موقف پیش نہیں کیا۔ اس لیے اب ہمیں بہار اسمبلی انتخابات میں مجبوراً گو بھکت امیدوار اتارنا پڑ رہا ہے۔ شنکرآچاریہ جی نے یہ بھی اعلان کیا کہ پارٹی آئندہ اسمبلی انتخابات میں تمام اسمبلی حلقوں میں امیدوار کھڑا کرے گی۔ انہوں نے کہا کہ نامزدگی کا عمل مکمل ہونے کے بعد ان کی جانب سے انتخاب لڑنے والے امیدواروں کا باقاعدہ اعلان کیا جائے گا۔ عقیدت مندوں نے شنکرآچاریہ ایوی مکتیشورانند سرسوتی مہاراج جی کے پیغام کو عقیدت اور جوش کے ساتھ سنا۔

ہندوستھان سماچار

ہندوستان سماچار / Mohammad Afzal Hassan