کوربا، 8 اکتوبر (ہ س)۔ چھتیس گڑھ کے سکتی ضلع میں آر کے ایم پاور پلانٹ میں لفٹ گرنے سے چار مزدور ہلاک اور چھ دیگر شدید زخمی ہو گئے۔ زخمیوں کو رائے گڑھ ریفر کر دیا گیا ہے۔

ایڈیشنل سپرنٹنڈنٹ آف پولیس ہریش یادو نے بدھ کو واقعے کی تصدیق کرتے ہوئے کہا کہ کارکن منگل کی رات دیر گئے بوائلر مشین کی صفائی اور مرمت کے لیے لفٹ پر چڑھ رہے تھے کہ لفٹ کی زنجیر ٹوٹ گئی، جس کی وجہ سے لفٹ تقریباً 40 میٹر کی بلندی سے گر گئی۔ دو مزدوروں کی موقع پر ہی موت ہو گئی، جبکہ دو دیگر زخموں کی تاب نہ لاتے ہوئے علاج کے دوران چل بسے۔ دیگر چھ مزدور شدید زخمی ہیں اور انہیں رائے گڑھ اسپتال ریفر کر دیا گیا ہے۔

پولیس کے مطابق، ہلاک ہونیوالے مزدوروں میں آنجہانی کمار قنوجیا (29)، سون بھدر، اتر پردیش، مشری لال (45)، سون بھدر، اتر پردیش ؛ رویندر کمار (35)، جھارکھنڈ ؛ اور ببلو پرساد گپتا (26)، سون بھدر، اتر پردیش کے رہنے والے ہیں۔

زخمی مزدوروں میں وجے سنگھ (32)، سون بھدر، اتر پردیش ؛ رام سنگھ (27)، سون بھدر، اتر پردیش ؛ سنجے کمار (22)، سون بھدر، اتر پردیش ؛ رام کیش (26)، سون بھدر، اتر پردیش ؛ بلرام (38)، اتر پردیش ؛ اور رتن سنگھ (34) اتر پردیش کے رہنے والے ہیں ۔

اس واقعے کے بعد کارکنان میں شدید غم و غصہ پایا جاتا ہے۔ کشیدہ صورتحال کے پیش نظر پاور پلانٹ کے اطراف میں پولیس تعینات کر دی گئی ہے۔

ہندوستھان سماچار

---------------

ہندوستان سماچار / عبدالواحد