کاٹھمنڈو، 6 اکتوبر (ہ س) نیپال میں 8 اور 9 ستمبر کو نوجوانوں کے احتجاج کے دوران پولیس کی فائرنگ سے زخمی ہونے والے تیس افراد اب بھی ملک بھر کے مختلف اسپتالوں میں زیر علاج ہیں۔

وزارت صحت کے مطابق کاٹھمنڈو سول اسپتال میں 1، کاٹھمنڈو کے نیشنل ٹراما سینٹر میں 10، کاٹھمنڈو میڈیکل کالج ٹیچنگ اسپتال میں 3، تریبھون یونیورسٹی ٹیچنگ اسپتال میں 3، پٹن اکیڈمی آف ہیلتھ سائنسز میں 3، نیپال پولیس اسپتال میں 1 اور کیرتی پور اسپتال میں 1 شخص زیر علاج ہے۔

اس کے علاوہ تین کو بی اینڈ بی اسپتال، ایک کو براٹ نگر کے براٹ میڈیکل کالج ٹیچنگ اسپتال، ایک کو نوبل میڈیکل کالج ٹیچنگ اسپتال اور ایک کو پوکھرا اکیڈمی آف ہیلتھ سائنسز میں داخل کیا گیا ہے۔

مظاہروں کے دوران کل 2,316 زخمی افراد کو علاج کے لیے مختلف اسپتالوں میں داخل کیا گیا تھا، جن میں سے 2,238 کو پہلے ہی چھٹی دے دی گئی ہے۔ مظاہروں کے نتیجے میں اب تک 76 مظاہرین ہلاک ہو چکے ہیں۔ وزارت نے تین پولیس افسران اور تین فرار ہونے والے قیدیوں کی ہلاکت کی بھی اطلاع دی۔

---------------

ہندوستان سماچار / عبدالسلام صدیقی