نئی دہلی، 31 اکتوبر (ہ س)۔ کانگریس صدر ملکارجن کھڑگے، کانگریس پارلیمانی پارٹی کی چیئرپرسن سونیا گاندھی، اور لوک سبھا میں قائد حزب اختلاف راہل گاندھی نے جمعہ کو ہندوستان کے مرد آہن سردار ولبھ بھائی پٹیل کو ان کے 150 ویں یوم پیدائش کے موقع پر پارلیمنٹ ہاؤس احاطے میں ان کے مجسمے پر پھول چڑھا کر خراج عقیدت پیش کیا۔

اس موقع پر ملکارجن کھڑگے کے ساتھ کانگریس کے کئی سینئر لیڈر اور ممبران پارلیمنٹ موجود تھے۔

تقریب کے دوران، ملکارجن کھڑگے، سونیا گاندھی، اور راہل گاندھی نے جدوجہد آزادی اور ملک کے اتحاد میں سردار پٹیل کے کردار کو خراج تحسین پیش کیا اور ان کے نظریات پر عمل کرنے کا عہد کیا۔

قابل ذکر ہے کہ سردار ولبھ بھائی پٹیل کی یوم پیدائش کو ہر سال 'قومی اتحاد کے دن' کے طور پر منایا جاتا ہے۔ اس سال ان کی 150ویں سالگرہ کے موقع پر ملک بھر میں مختلف پروگرام منعقد کیے جا رہے ہیں۔

---------------

ہندوستان سماچار / عبدالسلام صدیقی