نونیت رانا کو ایک اور دھمکی بھرا خط موصول ہوا، بیٹے کے سامنے ریپ اور قتل کی دھمکی، پولیس الرٹ

امراوتی،

29 اکتوبر (ہ س)۔ سابق رکن پارلیمان اور

بی جے پی رہنما نونیت رانا کو ایک مرتبہ پھر قتل کی دھمکی موصول ہوئی ہے۔ امراوتی

ضلع میں بدھ کے روز ایک نامعلوم خط کے ذریعے انہیں اور ان کے بیٹے کو جان سے مارنے

اور سنگین فعل کا نشانہ بنانے کی دھمکیاں دی گئیں۔

اس

سلسلے میں نونیت رانا کے پرسنل اسسٹنٹ نے فوری طور پر راجا رام پیٹھ پولیس اسٹیشن

میں تحریری شکایت درج کرائی۔ پولیس نے مقدمہ قائم کر کے معاملے کی تحقیقات شروع کر

دی ہیں۔ تحقیقات

سے یہ بات سامنے آئی ہے کہ دھمکی آمیز خط حیدرآباد کے جاوید نامی شخص نے بھیجا ہے۔

پولیس افسر کے مطابق، ملزم کی شناخت کر لی گئی ہے اور جلد گرفتاری متوقع ہے۔

پولیس

نے مزید بتایا کہ نونیت رانا کو اس سے قبل بھی کئی بار دھمکیاں مل چکی ہیں، اس لیے

حفاظتی اقدامات مزید سخت کر دیے گئے ہیں۔ معاملے کی حساسیت کو دیکھتے ہوئے تفتیشی

ٹیم تمام پہلوؤں کا باریک بینی سے جائزہ لے رہی ہے تاکہ ذمہ دار شخص کو فوری طور

پر قانون کے دائرے میں لایا جا سکے۔

ہندوستھان

سماچار

--------------------

ہندوستان سماچار / جاوید این اے