بھوپال، 29 اکتوبر (ہ س)۔ مدھیہ پردیش کی راجدھانی بھوپال کے بیرسیا تھانہ علاقے میں دسویں جماعت کی طالبہ نے خودکشی کر لی۔ بدھ کی صبح اس کی لاش اس کے کمرے میں پھندے سے لٹکی ہوئی ملی۔ اس کے اہل خانہ نے اسے فوری طور پر نیچے اتارا اور اسپتال لے گئے جہاں ڈاکٹر نے اسے مردہ قرار دے دیا۔ پولیس نے اب مقدمہ درج کر کے تفتیش شروع کر دی ہے۔

اطلاعات کے مطابق وندنا راجپوت (17) بیرسیا علاقہ کے ہیرنکھیڈی گاؤں کے رہنے والے رگھویر سنگھ کی بیٹی 10ویں جماعت کی طالبہ تھی۔ اس نے بدھ کی صبح اپنے گھر میں پھانسی لگا کر خودکشی کرلی۔ گھر والے جب اس کے کمرے میں گئے تو انہوں نے اسے لٹکا ہوا پایا۔ اس کی لاش پھندے سے نکالنے کے فوراً بعد اہل خانہ اسے اسپتال لے گئے جہاں ڈاکٹروں نے اسے مردہ قرار دے دیا۔

واقعے کی اطلاع ملتے ہی پولیس نے اسپتال پہنچ کر لاش کو قبضے میں لے کر پوسٹ مارٹم کے لیے بھیج دیا۔ پولیس کو جائے وقوعہ سے کوئی سوسائڈ نوٹ نہیں ملا جس سے خودکشی کی وجہ معلوم کرنا مشکل ہو گیا ہے۔ لاش کے قریب سے ایک موبائل فون ملا ہے جسے پولیس نے قبضے میں لے کر جانچ کے لیے ایف ایس ایل بھیج دیا ہے۔ پولیس نے مقدمہ درج کر کے تفتیش شروع کر دی ہے۔

---------------

ہندوستان سماچار / عبدالسلام صدیقی