حیدرآباد، 28 اکتوبر(ہ س)۔ اے پی کے ضلع چتورمیں دوبسوں میں ہوئے تصادم میں 20مسافرین زخمی ہوگئے۔پولیس کے مطابق حادثہ ضلع کے پونگنورمنڈل کے قریب اس وقت پیش آیا جب دونوں بسیں موڑ مڑرہی تھیں۔اسی دوران یہ دونوں بسیں ایک دوسرے سے متصادم ہوگئیں جس کے نتیجہ میں تقریباً 20 افراد زخمی ہوگئے۔ خوش قسمتی سے کوئی شدیدزخمی نہیں ہوااور معمولی زخمی مسافروں کو قریبی سرکاری ہاسپٹل منتقل کردیاگیا۔حادثہ کے وقت دونوں بسوں میں مجموعی طورپر48 مسافرسوارتھے۔ پولیس نے مقدمہ درج کرلیا ہے۔

ہندوستھان سماچار

ہندوستان سماچار / محمدعبدالخالق