ارریہ، 28 اکتوبر (ہ س)۔جن سورج کے لیڈرپرشانت کشور منگل کے روز ارریہ پہنچے۔ انہوں نے ایک ہوٹل کے آڈیٹوریم میں چار اسمبلی حلقوں سے مقابلہ کرنے والے امیدواروں، تنظیم سے وابستہ قائدین اور مختلف سماجی تنظیموں کے ارکان کے ساتھ میٹنگ کی۔ پرشانت کشور کے ساتھ پارٹی کے امیدوار ارریہ سے فرحت آرا، جوکیہاٹ سے سرفراز عالم، فاربس گنج سے حاجی اکرام اور سکتی سے راغب ببلو کے علاوہ مختلف سماجی تنظیموں کے عہدیدار اور کارکنان موجود تھے۔اس موقع پر انہوں نے کہا کہ وہ ووٹ مانگنے نہیں بلکہ بہار میں تبدیلی کی لہر لانے آئے ہیں۔ میٹنگ کے بعد میڈیا سے بات کرتے ہوئے انہوں نے کہا کہ کسی ایک پارٹی کی جیت سے بہار نہیں بدلے گی۔کیونکہ لالو، رابڑی اور تیجسوی یادو 18 سال، گذشتہ 20سالوں سے نتیش کمار اور اس سے قبل کانگریس 40 سالوں تک اقتدار میں رہی۔ انہوں نے کہا کہ بہار میں تبدیلی تب ہی آسکتی ہے جب بہار میں رہنے والے ہر ایک بہاری اپنے میں بدلاؤ لائیں گے۔ انہوں نے کہا کہ عوام کو بہتر کرنا ہوگا۔ انہوں نے کہا کہ جس دن بہار کے لوگ فیصلہ کر لیں گے کہ نالی ، گلی ، ذات ، ہندو۔ مسلم ، مفت اناج اور پانچ سو روپے میں وٹ کا سونہیں کرنا ہے۔بلکہ اپنے بچوں کے مستقبل، ان کی تعلیم اور روزگار کے لیے ووٹ دیں گے، اور سب سے اہم بات بہار سے بڑے پیمانے پر نقل مکانی کو روکنے، بدعنوانی سے پاک نظام بنانے کے لیے ووٹ دینا ہے۔ اس دن سے بہار میں تبدیلی اور ترقی کا آغاز ہوگا۔پرشانت کشور نے کہا کہ گزشتہ 30-35 سالوں سے بہار میں لوگ نتیش اور بی جے پی کے ووٹ حاصل کرنے کے لیے لالو-رابڑی کا خوف دکھا رہے ہیں، دوسری طرف بی جے پی کا خوف دکھا کر لالو جی کی لالٹین کے لیے مفت مٹی کا تیل حاصل کر رہے ہیں۔ لیکن جن سوراج نے بہار کی سیاست میں بندھوا مزدوری کے کھیل کو ختم کر دیا ہے۔ انہوں نے کہا کہ آج چڑھتے سورج کو ارگھیہ پیش کیا گیا۔چھٹھ ورتیوں کی تپسیا اور کوششوں کی بدولت بہار ملک کی دس ریاستوں میں سرکردہ ریاست بن جائے، انہوں نے تمام چھٹھ ورتیوں کو مبارکباد دی۔ہندوستھان سماچار

ہندوستان سماچار / Mohammad Afzal Hassan