بجنور، 27 اکتوبر (ہ س)۔ اتر پردیش کےبجنور ضلع میں سرفہرست 10 بقایہ داروں میں سے ایک ڈاسنا اسٹیل پرائیویٹ لمیٹڈ کے خلاف تحصیلدار صدر کی نگرانی میں تحصیل ٹیم نے قرقی کی کارروائی کی۔ سابق ایم ایل اے اور ڈائریکٹر شاہنواز رانا، بدرالزماںساکن تاریکم پور روپ چند اور پروپرائٹر خالد چودھری، تریکم پور روپ چند، پر تقریباً 13 لاکھ 57,592 بجلی کے بل واجب الادا ہیں۔

پیر کو ریونیو ٹیم نے بقایا جات کی وصولی کے لیے قرقی کی کارروائی کی۔ کارروائی سب ڈسٹرکٹ مجسٹریٹ صدر بجنور ریتو رانی کی ہدایت پر تحصیلدار صدر آشیش سکسینہ کی قیادت میں عمل میں لائی گئی۔ قرقی ٹیم میں ریونیو ملازمین سورجمل کلیکشن امین، کپل چودھری، پرمانند منڈل، بھگوت سنگھ، منوج کمار، اور دیگر موجود تھے۔

ہندوستھان سماچار

ہندوستان سماچار / محمد شہزاد