لکھنؤ، 27 اکتوبر (ہ س)۔ اتر پردیش کے وزیر اعلی یوگی آدتیہ ناتھ نے پیر کو گومتی کے کنارے لکشمن میلہ میدان میں چھٹھ گھاٹ پر منعقد ایک عظیم الشان پروگرام میں شرکت کی۔ پروگرام کے دوران وزیر اعلی یوگی چھٹھ کے گیتوں سے لطف اندوز ہوئے اور بھوجپوری سنیش سووینئر جاری کیا۔ وزیر اعلیٰ نے بھوجپوری میں خطاب کر کے عقیدت مندوں کو جوش سے بھر دیا۔ وزیر اعلیٰ نے کہا کہ لکھنؤ کا کوئی ڈرینج یا سیورگومتی میں نہیں گرے گا، گومتی پیلی بھیت سے غازی پور تک صاف اور بلاتعطل بہے گی۔

اس موقع پر وزیر اعلیٰ یوگی آدتیہ ناتھ نے کہا کہ لوک عقیدے کا تہوار چھٹھ پوجا، نہ صرف روحانی ترقی کا ذریعہ ہے، بلکہ یہ سماجی اتحاد، قدیم ہندوستانی وراثت اور فطرت کے ساتھ مکالمے کی علامت بھی ہے۔

وزیر اعلی یوگی نے کہا کہ چھٹھ مہاپرو پوری دنیا میں آباد بھوجپوری برادری کو تزکیہ نفس اور عوامی فلاح و بہبود کے راستے سے جوڑتا ہے۔ بھوجپوری میں اپنی نیک تمناؤں کا اظہار کرتے ہوئے، انہوں نے کہا، ”چھٹھ میئاکی کرپا سب کے اوپر بنل رہے ، سبھن لوگن کے پریوار میں سکھ سمریدھی اور خوشحالی رہے ، ایکرے خاطن ہم چھٹھی میئا سے آشیرواد مانگت آنی ، جتنا لوگ ورت باٹیں، اوہیں خاطر ہم چھٹھی مائی سے آشیرواد مانگت بانی کہ سب کے بھگوتی ان کے سپنے کو پورا کریں۔“

وزیر اعلی یوگی نے کہا کہ کوئی بھی ملک اس وقت تک ترقی نہیں کر سکتا جب تک کہ اس کے شہری قومی فریضے کے تئیں پابند نہیں ہوں گے۔ سوچھ بھارت ابھیان کو چھٹھ سے جوڑتے ہوئے انہوں نے کہا کہ یہ مہم جو کہ وزیر اعظم نریندر مودی کی قیادت میں 2014 سے چل رہی ہے، ماحولیاتی تحفظ کی بنیاد ہے۔ سی ایم یوگی نے سنگل یوز پلاسٹک، پولی تھین اور کچرے کے اندھا دھند استعمال پر پابندی لگانے کا مطالبہ کیا۔ انہوں نے کہا کہ آلودگی کا باعث بننے والے عوامل کو دور کیا جائے اور دریاؤں اور نالوں میں نہ پھینکا جائے۔ اگر سب اس پر عمل کریں تو آدھے سے زیادہ مسئلہ حل ہو جائے گا۔ انہوں نے کہا کہ یہ نہ صرف انتظامیہ کی ذمہ داری ہے بلکہ ہر شہری کی بھی ذمہ داری ہے۔ کوئی بھی قوم شہریوں کے قومی فریضے کے بغیر ترقی نہیں کر سکتی۔ یہ کوشش ایک ترقی یافتہ ہندوستان اور آتم نربھر بھارت کے وژن کو عملی جامہ پہنانے میں مدد کرے گی۔

اس موقع پر نائب وزیر اعلیٰ برجیش پاٹھک، میئر سشما کھرکوال، اکھل بھارتیہ بھوجپوری سماج کے صدر پربھوناتھ رائے، ماریشس کے وزیر اعظم کے سابق سکریٹری سریش رامبرن اور کئی مقامی عوامی نمائندے اور عہدیدار موجود تھے۔

ہندوستھا ن سماچار

ہندوستان سماچار / محمد شہزاد