پلامو، 27 اکتوبر (ہ س)۔ ضلع کے جگت پورہ بیدانی مین روڈ پر لیسلی گنج تھانہ علاقہ کے تحت کملکیڈیا گاوں میں پیر کی شام ایک خوفناک سڑک حادثہ پیش آیا۔دو موٹر سائیکلوںکے درمیان ٹکر سے موٹر سائیکل پر سوار بھائی- بہن جاں بحق ہو گئے۔ دوسری موٹر سائیکل پر سوار میاں بیوی زخمی ہو گئے۔ ان کا علاج کیا جا رہا ہے۔ متوفی بھائی -بہن کی لاشوں کو پوسٹ مارٹم کے لیے ایم ایم سی ایچ بھیج دیا گیا ہے۔ آج رات پوسٹ مارٹم کرانے کی تیاریاں جاری ہیں۔ مرنے والوں کی شناخت میدینی نگر سٹی تھانہ علاقہ کے تحت نمیاں کی ستیہ وتی دیوی (38) اور لیسلی گنج تھانہ علاقہ کے تحت کورائن پترا پنچایت کے ہیمنت کمار (30) ولد کے طور پر کی گئی ہے۔ ہیمنت اور ستیہ وتی بہن بھائی تھے۔ جب کہ دوسری موٹرسائیکل پر سوار ترہاسی کے رہنے والے لاڈلے حسن اور ان کی بیویتھے۔ لاڈلے حسن ترہسی سے بیدانی جا رہے تھے، جب کہ ہیمنت کمار جگت پورہ سے ترہسی بیدانی کی طرف جا رہے تھے۔

حادثے کی اطلاع ملتے ہی پنکی اسمبلی حلقہ کے سابق ایم ایل اے دیویندر سنگھ بٹو جائے وقوعہ پر پہنچے اور چاروں بائک سواروں کو ایم آر ایم سی ایچ لے جانے کے لیے ایک پرائیویٹ ایمبولینس کا انتظام کیا، جہاں ہیمنت اور ستیہ وتی کو مردہ قرار دے دیا گیا۔ لاڈلے اور اس کی بیوی کا علاج شروع ہو گیا۔ واقعہ کی اطلاع ملتے ہی متوفی کے اہل خانہ ایم آر ایم سی ایچ پہنچے اور پوسٹ مارٹم کی تیاری کر رہے ہیں۔ چھٹھ پوجا کی خوشیاں ماتم میں بدل گئیں۔

لیسلی گنج پولس تھانہ انچارج اتم کمار رائے نے واقعہ کی تصدیق کرتے ہوئے کہا کہ پولیس پورے معاملے کی جانچ کر رہی ہے۔

ہندوستھا ن سماچار

ہندوستان سماچار / محمد شہزاد