حیدرآباد 20،اکتوبر۔(ہ س) ۔ شہرحیدرآباد میں ٹریفک پولیس نے ایک بائیک کو ضبط کیا جس پر58,895روپئے کے چالان زیرالتواتھے۔ شہر کے ونستھلی پورم علاقہ میں رانگ روٹ پرچلائے جانے پروہاں موجود ٹریفک پولیس کے عملہ نے اس گاڑی کوروکا اورجب اس کے زیرالتواچالان کی چانچ کی گئی تو ٹریفک پولیس کے عہدیداربھی حیرت زدہ رہ گئے کیونکہ اس گاڑی پرمختلف ٹریفک خلاف ورزیوں کے57 چالان تھے۔اس بائیک سوارپر58,895 روپئے کے چالان عائد کئے گئے تھے۔ بعدازاں اس گاڑی کو ضبط کرلیاگیا۔ ساگرکامپلکس سے گُرم گوڑہ رانگ روٹ پریہ گاڑی چلائی جارہی تھی ۔ ونستھلی پورم ٹریفک پولیس کے حدود کے بیشترعلاقوں میں یہ خلاف ورزیاں کی گئی تھیں۔ٹریفک پولیس کی ویب سائٹ کے مطابق اس گاڑی کا مالک اے ویلم کیری ہے۔

ہندوستھان سماچار

ہندوستان سماچار / محمدعبدالخالق