حیدرآباد 20،اکتوبر۔(ہ س)۔ شہرحیدرآباد میں روزبروز ٹریفک قوانین کی خلاف ورزیوں میں اضافہ ہوتاجارہا ہے۔شہرکے مختلف علاقوں بالخصوص مصروف ترین علاقہ معظم جاہی مارکٹ میں اس طرح کی کئی خلاف ورزیوں کاپتہ چلا ہے۔حال ہی میں معظم جاہی مارکٹ علاقہ میں صرف تین گھنٹوں میں خصوصی مہم کے دوران پولیس نے 6,000 سے زائد ٹریفک قواعد کی خلاف ورزیوں کا پتہ چلایا۔ پولیس کے مطابق، ویڈیوز دیکھ کر خطرناک انداز میں گاڑیاں چلانے والے ایک دن میں 15,000 افراد گرفتار ہوئے۔ اگر24 گھنٹے مسلسل نگرانی کی جائے تو ہر گاڑی پر تقریباً 10 سے 20 چالان کا امکان ہے۔ شہر بھر میں روزانہ 20,000 سے زائد چالان کئے جانے کا پتہ چلا ہے۔ زیادہ تر خلاف ورزی کرنے والے بائیک سوارہیں۔ گزشتہ 9ماہ کے دوران اہم خلاف ورزیاں اس طرح ہیں۔ ہیلمٹ نہ پہننا: 30,51,145 کیس ۔ رانگ سائیڈ میں ڈرائیونگ: 4,83,781 کیس۔حد سے زیادہ رفتار / خطرناک ڈرائیونگ: 1,94,815 کیس۔تین افراد کے ساتھ سواری (ٹرپل رائیڈنگ): 1,33,927 کیس ۔ سگنل کی خلاف ورزی: 1,20,265 کیس فون استعمال کرتے ہوئے ڈرائیونگ: 76,472 کیس۔شراب پی کر گاڑی چلانا : 36,130 کیس ۔ سیٹ بیلٹ نہ پہننا:31,108 کیس ۔ زائد مسافرین: 8,650 کیس۔ نابالغ کے ڈرائیونگ: 6,976 کیس۔ پولیس نے شہریوں سے اپیل کی ہے کہ وہ ٹریفک قوانین کی پاسداری کریں اور حفاظتی اقدامات پر عمل کریں تاکہ حادثات اور جرمانے سے بچا جا سکے۔

۔ ہندوستھان سماچار

ہندوستان سماچار / محمدعبدالخالق