حیدرآباد 20،اکتوبر۔(ہ س)۔

فوڈسیفٹی عہدیداروں نے شہرحیدرآباد میں مٹھائی کی دکانوں کے معائنے جاری رکھے ہوئے ہیں۔ذرائع کے مطابق ان عہدیداروں نے ان دکانوں سے نمونے حاصل کئے اورمعائنہ کیلئے لیب کوبھیج دیا۔ شہر میں 45مٹھائیوں کی دکانات کی تنقیح کی گئی۔ان چھاپوں کے دوران مٹھائیوں کی تیاری کیلئے مصنوعی رنگوں کے استعمال اور ناقص ماحول کاپتہ چلا۔

قواعد کی خلاف ورزی کرنے والی دکانات کے مالکین کونوٹسیں جاری کی گئیں۔ان چھاپوں کے دوران بعض مٹھائی کی دکانات کے پروڈکٹس پرکسی قسم کے لیبل اورمدت کارآمد کی تکمیل کی تفصیلات نہ ہونے کا بھی انکشاف ہوا۔ مٹھائیوں کی تیاری کے مقامات پرمکھیوں اورمچھروں کی موجودگی کا پتہ چلا۔کئی دکانات پرحفظان صحت کے اصول بھی نظرانداز کئے گئے تھے۔نقلی تیل کے ذریعہ بھی کئی اشیا کی تیاری کا پتہ چلا۔

ہندوستھان سماچار

ہندوستان سماچار / محمدعبدالخالق