حیدرآباد 20،اکتوبر۔(ہ س)۔ تلنگانہ کے سابق وزیرو بی آرایس قائد ہریش راو نے کہا ہے کہ گزشتہ دوسالوں میں تلنگانہ میں گن کلچرمیں اضافہ ہوا ہے۔انہوں نے نشاندہی کرتے ہوئے کہاکہ بی آر ایس کی حکومت میں زرعی ترقی کو فروغ دیاگیا جبکہ موجودہ کانگریس حکومت نے گن کلچر کو فروغ دیا۔ انہوں نے دیوالی کے موقع پرپراناشہرحیدرآباد کی بھاگیہ لکشمی مندرمیں پوجاکی۔اس موقع پرمیڈیا سے بات کرتے ہوئے انہوں نے کہا کہ اس حکومت میں پولیس کو بھی تحفظ حاصل نہیں رہا۔وزیر اعلیٰ ریونت ریڈی اپنے پاس داخلہ کا قلمدان رکھنے کے باوجود محکمہ داخلہ کا جائزہ اجلاس منعقد نہیں کرتے۔انہوں نے کہاکہ کانگریس کے قائدین اوروزرا اپنے مفادات کے لئے لڑتے رہتے ہیں۔ ہریش راؤ نے اس موقع پر حکومت پر شدید تنقید کی۔

ہندوستھان سماچار

ہندوستان سماچار / محمدعبدالخالق