سیویلے، 5 ستمبر (ہ س)۔ ریئل بیٹس نے جمعہ کو لا لیگا میں ریال میڈرڈ کی مسلسل جیت کی امیدوں کو ختم کردیا۔ گھریلو ٹیم نے سنسنی خیز مقابلے میں میڈرڈ کو 0-1 سے شکست دی۔ ٹرائے پیروٹ نے 81ویں منٹ میں فیصلہ کن گول کیا جبکہ گول کیپر الوارو ویلس نے انجری ٹائم میں کیلین ایمباپے کی پنالٹی کو روک کر بیٹس کی جیت کو یقینی بنا دیا۔

میچ کا آغاز تیز رفتاری سے ہوا لیکن سیویلے کی گرمی میں دوسرے ہاف میں کھیل کی رفتار کچھ کم ہو گئی۔ 68ویں منٹ میں میدان میں اترے پیروٹ نے 81ویں منٹ میں بیٹس کو برتری دلائی۔ ریئل میڈرڈ کے گول کیپر تھیبوکورتووا نے ایک ہیڈر کو روکنے کی کوشش کی لیکن گیند پیروٹ کے سامنے آگئی اور انہوں نے اسے فوراً گول میں پہنچا دیا۔

میڈرڈ نے برابری کی کوشش کی۔ ایمباپے نے چار منٹ بعد گیند کو کراس بار پر مار دیا۔ اس کے بعد ونیسیئس جونیئر کے کراس پر متبادل کھلاڑی کارلوس ایسپی نے شاندار سائیکل کک سے گیند کو گول میں پہنچایا، لیکن ویڈیو اسسٹنٹ ریفری کے جائزے کے بعد گول کو آف سائیڈ کر دیا گیا۔

بیٹس کی جانب سے نیلسن ڈیوسا نے بھی طویل فاصلے تک گول کرنے کی کوشش کی۔ انہوں نے کورتووا کوگول سے باہر دیکھا اور دور سے شاٹ لگایا لیکن میڈرڈ کے گول کپیر نے وقت رہتے ہوئے شاندار دفاع کیا۔

میڈرڈ کے پاس انجری ٹائم میں برابری کا سب سے بڑا موقع تھا۔ ناتان نے ونیسیئس کو پینلٹی ایریا کے اندر نیچے گرادیا، جس سے میڈرڈ کو پنالٹی ملی۔ ایمباپے نے پنالٹی لی، لیکن بیٹس کے گول کیپر الوارو واریس نے اس کو روک دیا۔

اس دفاع کے ساتھ، بیٹس نے تین پوائنٹس حاصل کرنے کے لیے اپنی 1-0 کی برتری کو برقرار رکھا اور لا لیگا میں ریئل میڈرڈ کے بہترین آغاز کو ختمکر دیا۔

ہندوستھان سماچار

ہندوستان سماچار / محمد شہزاد