نئی دہلی، 05 ستمبر (ہ س)۔ یوراگوئے کے چیف کوچ ڈیاگو فورلان نے ستمبر کی بین الاقوامی ونڈو کے لیے 46 کھلاڑیوں پر مشتمل ابتدائی ٹیم کا اعلان کردیا ہے۔ اس میں بھارت کے خلاف 6 اکتوبر کو کولکاتا میں ہونے والے دوستانہ میچ کے لیے اسٹار کھلاڑی فیڈریکو والورڈے، ڈارون نونیز اور رونالڈ اراوخو کو بھی شامل کیا گیا ہے۔اوروگوئے کے لئے 2002سے 2014کے درمیان 112بین الاقوامی میچ کھیل چکے فورلان نے 36 گول کیے۔ 2026 فیفا ورلڈ کپ میں ٹیم کی خراب کارکردگی کے بعد مارسےلو بیلسا کے عہدہ چھوڑنے پر فورلان نے یوراگوئے کے چیف کوچ کی ذمہ داری سنبھالی ہے۔

ستمبر کی بین الاقوامی ونڈو میں یوراگوئے کو جاپان، جنوبی کوریا اور بھارت کے خلاف میچ کھیلنے ہیں۔ ٹیم تینوں ممالک کا دورہ کرے گی۔ بھارت کے خلاف میچ فورلان کے لیے بھی خاص ہوگا، کیونکہ وہ تقریباً ایک دہائی بعد بھارت واپس آئیں گے۔ انہوں نے 2016 میں انڈین سپر لیگ میں ممبئی سٹی ایف سی کی جانب سے کچھ عرصہ کھیلا تھا۔

یوراگوئے کا پروگرام

24 ستمبر: جاپان بمقابلہ یوراگوئے — ریفو

28 ستمبر: جنوبی کوریا بمقابلہ یوراگوئے — سیول

6 اکتوبر: بھارت بمقابلہ یوراگوئے — کولکاتا

ابتدائی اسکواڈ میں ورلڈ کپ میں کھیلنے والے 26 رکنی ٹیم کے 21 کھلاڑی شامل ہیں۔ ان میں والورڈے، نونیز اور اراوخو جیسے اہم نام نمایاں ہیں۔ ناہیتان ناندیز اور آرسنل کے سابق مڈفیلڈر لوکاس ٹوریرا کی بھی ٹیم میں واپسی ہوئی ہے۔ اس کے علاوہ شہریت حاصل کرنے والے دفاعی کھلاڑی الیگزینڈر باربوسا کو بھی اسکواڈ میں جگہ دی گئی ہے۔

یوراگوئے کا ابتدائی اسکواڈ

گول کیپرز:

سینٹیاگو میلے، کرسٹوفر فیئرمارین، اگناسیو دے اروآبارینا، سیبستیان جاؤمے، تھیاگو کارڈوزو۔

ہندوستھان سماچار

ہندوستان سماچار / Mohammad Khan