ہاوڑہ، 3 ستمبر (ہ س)۔ ہاوڑہ سٹی پولیس کے خفیہ شعبے نے غیر قانونی ہتھیاروں کے خلاف مہم کے دوران دو ملزمان کو گرفتار کرکے ان کے قبضے سے تین دیسی ساختہ نیم خودکار پستول، چار میگزین اور 18 زندہ کارتوس برآمد کیے ہیں۔

پولیس کے مطابق، بدھ کو گولاباڑی تھانہ علاقے کے پنجاب لائن واقع بس اسٹینڈ کے قریب مہم چلائی گئی۔ اس دوران ایم ڈی احسان یوسف (38) اور ابوالحسن عرف ناتا (45) کو گرفتار کیا گیا۔ دونوں ملزمان کے خلاف گولاباڑی تھانے میں مقدمہ درج کیا گیا ہے۔

پولیس نے بتایا کہ برآمد کیے گئے تینوں پستول لوہے سے بنے دیسی نیم خودکار ہتھیار ہیں، جن کی لمبائی تقریباً 20 سینٹی میٹر ہے۔ اس کے علاوہ چار میگزین اور 18 زندہ کارتوس بھی برآمد کیے گئے ہیں۔ کارتوسوں کے پرکشن کیپ پر ’کے ایف 7.65‘ درج ہے۔

پولیس معاملے کی تحقیقات کر رہی ہے۔

ہندوستھان سماچار

---------------

ہندوستان سماچار / عبدالواحد