جموں, 25 ستمبر (ہ س)۔ منشیات کے خلاف کارروائی کرتے ہوئے کشتواڑ پولیس نے دو الگ الگ واقعات میں دو مبینہ منشیات فروشوں کو گرفتار کرکے ان کے قبضے سے چرس نما مادہ اور 123 گولیاں برآمد کی ہیں۔
پولیس کے مطابق پولیس پوسٹ مغل میدان کی ایک ٹیم معمول کی گشت کے دوران پرانزل سگدی کے علاقے میں موجود تھی، جہاں محمد وارث ولد محمد رفیق سکنہ پہلگام سگدی، کشتواڑ کو گرفتار کیا گیا۔ تلاشی کے دوران اس کے قبضے سے چرس نما مادہ برآمد ہوا۔
اس سلسلے میں پولیس اسٹیشن چھاترو میں ایف آئی آر نمبر 44/2026 زیر دفعات 8/20 این ڈی پی ایس ایکٹ درج کرکے تحقیقات شروع کردی گئی ہیں۔ایک اور کارروائی میں پولیس ٹیم نے بی وی ایم اسکول کشتواڑ کے قریب گشت اور گاڑیوں کی چیکنگ کے دوران اسکوٹی پر سوار ایک مشتبہ شخص کو روکا۔
تلاشی کے دوران اس کے قبضے سے 123 پروکسیوہیم-اسپاس گولیاں برآمد ہوئیں۔
گرفتار شخص کی شناخت محمد وارث ولد محمد تغیم سکنہ کچلو محلہ، کشتواڑ کے طور پر ہوئی ہے۔اس معاملے میں پولیس اسٹیشن کشتواڑ میں ایف آئی آر نمبر 206/2026 زیر دفعات 8/21/22 این ڈی پی ایس ایکٹ درج کرکے مزید تحقیقات شروع کردی گئی ہیں۔پولیس نے کہا کہ منشیات کی اسمگلنگ اور نشہ آور و نفسیاتی ادویات کی غیر قانونی تجارت میں ملوث افراد کے خلاف کارروائیاں جاری رہیں گی۔
ہندوستھان سماچار
---------------
ہندوستان سماچار / محمد اصغر
