چیف الیکشن کمشنر کے طریقہ کار کے خلاف ہائی کورٹ میں عرضی، متنازعہ ایس آئی آر روکنے اور خارج ووٹروں کے نام بحال کرنے کا مطالبہ

رتناگیری، 25 ستمبر (ہ س)۔ مرکزی چیف الیکشن کمشنر گیانیش کمار کے طریقہ کار کے خلاف رتناگیری کے پراتھمیش گوانکر نے ممبئی ہائی کورٹ کے کولہاپور سرکٹ بینچ میں معروف قانون داں ایڈووکیٹ عاصم سروڑے کے ذریعے عرضی دائر کی ہے۔ عرضی میں چیف الیکشن کمشنر کے طریقہ کار پر سنگین اعتراضات اٹھائے گئے ہیں۔

عرضی گزار کے مطابق الیکشن کمیشن کے 14 اہم فیصلوں پر دیگر 2 الیکشن کمشنروں نے واضح طور پر اعتراضات درج کیے تھے، اس کے باوجود ان اعتراضات کو جان بوجھ کر نظر انداز کیا گیا۔ عرضی میں الزام عائد کیا گیا ہے کہ اس عمل سے ضروری قانونی اور آئینی طریقہ کار کی براہ راست خلاف ورزی ہوئی ہے۔

عرضی کے ذریعے عدالت سے 2 اہم مطالبات کیے گئے ہیں۔ ریاست بھر میں جاری متنازعہ ایس آئی آر عمل کو فوری طور پر روکنے اور اس عمل کے دوران ووٹر فہرست سے مبینہ طور پر ناانصافی کے ساتھ خارج کیے گئے تمام ووٹروں کے نام فوری طور پر بحال کرنے کی درخواست کی گئی ہے۔ عرضی گزار کی جانب سے کہا گیا ہے کہ یہ قدم ووٹروں کے آئینی حقوق کے تحفظ اور انتخابی عمل میں شفافیت برقرار رکھنے کے مقصد سے اٹھایا گیا ہے۔

ہندوستھان سماچار

--------------------

ہندوستان سماچار / جاوید این اے