ہندوستان کے سابق وزیر اعظم ڈاکٹر منموہن سنگھ کی پیدائش 26 ستمبر 1932 کو ہوئی تھی۔ وہ 2004 سے 2014 تک ملک کے وزیر اعظم رہے۔ ایک معروف ماہر اقتصادیات کی حیثیت سے ان کی شناخت قومی اور بین الاقوامی سطح پر رہی۔ اس سے قبل پی وی نرسمہا راو کی قیادت والی حکومت میں وزیر خزانہ کی حیثیت سے انہوں نے اقتصادی اصلاحات سے متعلق کئی اہم اقدامات میں کلیدی کردار ادا کیا۔

منموہن سنگھ کی سیاست اور معیشت پر گہری سمجھ نے انہیں ہندوستانی عوامی زندگی میں ایک منفرد شناخت عطا کی۔ وزیر اعظم کی حیثیت سے بھی ان کے کام کرنے کے انداز کو ان کی پرسکون اور متوازن شخصیت کے لیے جانا جاتا تھا۔

دیگر اہم واقعات

1087 – ولیم دوم انگلینڈ کے بادشاہ بنے۔

1777 – امریکی انقلاب کے دوران برطانوی فوج نے فلاڈیلفیا پر قبضہ کیا۔

1820 – معروف سماجی مصلح، ماہر تعلیم اور مجاہد آزادی ایشور چندر ودیاساگر پیدا ہوئے ۔

1888 – نوبیل انعام یافتہ امریکی نژاد برطانوی شاعر و مصنف ٹی ایس ایلیٹ کی پیدائش ۔

1923 – فلم اداکار اور پروڈیوسر دیو آنند کی پیدائش ہوئی۔

1944 – سوویت یونین کی فوج نے ایسٹونیا پر قبضہ کر لیا۔

1950 – انڈونیشیا نے اقوامِ متحدہ کی رکنیت حاصل کی۔

1954 – جاپان میں طوفان کے باعث پانچ کشتیاں ڈوب گئیں، جس میں تقریباً 1600 افراد ہلاک ہوئے۔

1959 – جاپان کی تاریخ کے طاقتور ترین طوفان ’ویرا‘ کے نتیجے میں 4580 افراد ہلاک اور 16 لاکھ افراد بے گھر ہوگئے۔

1973 – سپرسونک مسافر طیارے ’کونکورڈ‘ نے بحر اوقیانوس کا سفر ریکارڈ 3 گھنٹے 32 منٹ میں مکمل کیا۔

1976 – چین نے لوپ نور میں جوہری تجربہ کیا۔

1996 – خلائی شٹل ایس ٹی ایس-79 زمین پر واپس آیا۔

1998 – سچن تندولکر نے زمبابوے کے خلاف ایک روزہ کرکٹ میچ میں اپنی 18ویں سنچری بنا کر ڈیسمنڈ ہینز کا عالمی ریکارڈ توڑ دیا۔

2004 – امریکہ نے ہندوستان کو شہری خلائی پروگراموں کے لیے ٹیکنالوجی فراہم کرنے کا فیصلہ کیا۔

2009 – پوجاشری وینکٹیش نے رشمی چکرورتی کو شکست دے کر آئی ٹی ایف ویمنز ٹینس ٹورنامنٹ کا خطاب جیتا۔

2009 – پنکج اڈوانی نے 76ویں نیشنل بلیئرڈز اور اسنوکر چیمپئن شپ میں بلیئرڈز کا خطاب جیتا۔

2009 – فلپائن، چین، ویتنام، کمبوڈیا، لاؤس اور تھائی لینڈ میں ’کیٹسانا‘ طوفان کے باعث 700 افراد ہلاک ہوئے۔

2011 – دہلی میٹرو دنیا کا پہلا ایسا ریلوے نیٹ ورک بنا جسے گرین ہاؤس گیسوں کے اخراج میں کمی کے لیے اقوامِ متحدہ کی جانب سے ’کاربن کریڈٹ‘ دیا گیا۔

2014 – میکسیکو کے ایگوالا میں 43 طلبہ کو اجتماعی طور پر اغوا کیا گیا۔

2018 – سپریم کورٹ نے 12 ہندسوں والے آدھار نمبر کی قانونی حیثیت برقرار رکھی۔ تاہم عدالت نے کہا کہ بینک اکاونٹ، موبائل فون کنکشن اور اسکول میں داخلے کے لیے آدھار کو لازمی قرار نہیں دیا جا سکتا۔

ہندوستھان سماچار

ہندوستان سماچار / محمد شہزاد