ترن تارن، 24 ستمبر (ہ س)۔ بھارت-پاکستان بین الاقوامی سرحد کے قریب کھیم کرن علاقے کے گاؤں راتوکے بھوپ میں بی ایس ایف اور پنجاب پولیس کی مشترکہ کارروائی کے دوران اسلحہ اور گولہ بارود کا ایک ذخیرہ برآمد ہوا۔ ایک کھیت میں پائے گئے مشکوک پیکیج سے 4 پستول، 8 میگزین اور 10 زندہ کارتوس برآمد ہوئے ہیں۔

بی ایس ایف کے مطابق 148 ویں بٹالین کے اسسٹنٹ کمانڈنٹ ایم ایس کو اپنی ٹیم کے ساتھ رات کو سرحدی علاقے میں گشت کے دوران زرد ٹیپ میں لپٹا ہوا ایک ترک شدہ پیکیج راتوکے بھوپ گاؤں کے ایک کھیت میں پڑا ہواملا۔ سیکیورٹی فورسز نے پیکیج کی احتیاط سے جانچ پڑتال کی اور اس میں ہتھیار اور گولہ بارود پایا گیا۔ برآمد شدہ اشیا میں تین ترکی ساختہ 30 بور کی زگانہ پستول، ایک چینی ساختہ 30 بور کی پستول، 8 میگزین اور 10 زندہ کارتوس شامل ہیں۔ اطلاع ملنے پر کھیمکرن پولیس بھی موقع پر پہنچی اور برآمد شدہ ہتھیار اپنے قبضے میں لے لیے۔

اسٹیشن ہاؤس آفیسر کنولجیت رائے کے مطابق اس معاملے میں آرمز ایکٹ کی متعلقہ دفعات کے تحت ایف آئی آر درج کی گئی ہے۔ پولیس اب یہ جاننے کی کوشش کر رہی ہے کہ ہتھیاروں کی کھیپ کس کے لیے تھی اور اس کے پیچھے کون ہے۔ پولیس کا کہنا ہے کہ سرحد پار اسمگلنگ اور مقامی رابطوں کے ممکنہ نیٹ ورک کی بھی تحقیقات کی جا رہی ہیں۔

ہندوستھان سماچار

-------------

ہندوستان سماچار / عبدالسلام صدیقی