نئی دہلی، 23 ستمبر(ہ س)۔ موبائل فون، لوازمات اور دیگر الیکٹرانک آلات فروخت کرنے والی معروف ملٹی برانڈ ریٹیل چین کمپنی ایس ایس ریٹیل لمیٹڈ کے حصصنے آج اسٹاک مارکیٹ میں مضبوط انٹری کی، جس سے اس کے آئی پی او سرمایہ کاروں کو زبردست منافع ملا۔ کمپنی کے حصص آئی پی او کے تحت 424 روپے کی قیمت پر جاری کیے گئے تھے۔ آج بی ایس ای پراس کی لسٹنگ50.73فیصد پریمیم کے ساتھ 639.10 روپے اور این ایس ای پراس کی لسٹنگ 47.17فیصد پریمیم کے ساتھ 624 روپے کی سطح پر ہوئی۔

پریمیم لسٹنگ کے بعد منافع وصولی کے سبب فروخت کے دباوکی وجہ سے اسٹاک 603 روپے کی کم ترین سطح پر آگیا۔ تاہم، خریداروں نے بعد میں خریداری کرکے اسٹاک کی نقل و حرکت کو تیز کیا۔ بازار میں مسلسل خرید و فروخت کے درمیان اسٹاک صبح 11 بج کر 15 منٹ تک 630.30 روپے کی سطح پر کاروبارکر رہا تھا۔ اس طرح، اب تک کی تجارت میں، کمپنی کے آئی پی او سرمایہ کاروں نے فی حصص 206.30 روپے یعنی48.66 فیصد کا منافع حاصل کیا ۔

کمپنی کا 500 کروڑ روپے کا آئی پی او 16 اور 18 ستمبر کے درمیان سبسکرپشن کے لیے کھلا تھا۔ آئی پی او کو سرمایہ کاروں کی طرف سے زبردست ردعمل ملا، جس کی وجہ سے اسے مجموعی طور پر 107.41 گنا سبسکرائب کیا گیا۔ ان میں اہل ادارہ جاتی خریداروں (کیو آئی بی) کے لیے مخصوص حصہ کو 214.22 گنا (ایکس اینکر) سبسکرائب کیا گیا تھا۔ اسی طرح، غیر ادارہ جاتی سرمایہ کاروں (این آئی آئی) کے لیے مخصوص حصے کو 150.33گنا سبسکرائب کیا گیا۔ نیز، خوردہ سرمایہ کاروں کے لیے مخصوص حصے کو 35.81 گناسبسکرائب کیا گیا تھا۔اس آئی پی او کے تحت 10 روپے کی فیس ویلیو والے کل 1,18,10,182 حصص جاری کیے گئے ہیں۔ اس میں سے تقریبا 360 کروڑ روپے مالیت کے 85,08,298نئے حصص جاری کیے گئے ہیں، جبکہ تقریبا 140 کروڑ روپے مالیت کے 33,01,884حصص پیشکش برائے فروخت ونڈو کے ذریعے فروخت کیے گئے ہیں۔

کمپنی آئی پی او میں نئے حصص کی فروخت سے اکٹھا ہونے والی رقم کو اپنے نئے اسٹورز کے سیٹ اپ میں فٹ آو¿ٹ لگانے، ورکنگ کیپٹل کی ضروریات کو پورا کرنے، پرانے قرض کو کم کرنے، آئی پی او سے متعلق اخراجات کی بھرپائی کرنے اور عام کارپوریٹ مقاصد کے لیے استعمال کرے گی۔

ایس ایس ریٹیل لمیٹڈ کی مالی صحت کے بارے میں بات کرتے ہوئے، جیسا کہ ریڈ ہیرنگ پراسپیکٹس (آر ایچ پی) میں دعوی کیا گیا ہے جو کیپٹل مارکیٹ ریگولیٹر ایس ای بی آئی کو پیش کیا گیا ہے، اس کی مالی صحت مضبوط ہے۔ مالی سال2023-2024 میں کمپنی کا خالص منافع 26.65 کروڑ روپے تھا، جو اگلے مالی سال 2024-2025میں بڑھ کر 39.86 کروڑ روپے ہو گیا اور 2025-2026ں بڑھ کر 59.28 کروڑ روپے ہو گیا۔

ہندوستھان سماچار

---------------

ہندوستان سماچار / عبدالسلام صدیقی