سابق وزیر اعلیٰ داروغہ پرساد رائے کا یوم پیدائش اور ریاستی کانگریس کے سابق صدر لہٹن چودھری کی برسی منائی گئی

پٹنہ، 2 ستمبر (ہ س)۔ بہار کے سابق وزیر اعلیٰ داروغہ پرساد رائے کا 104 واں یوم پیدائش اور ریاستی کانگریس کمیٹی کے سابق صدر لہٹن چودھری کی 23ویں برسی بدھ کے روز ریاستی کانگریس کے صدر دفتر صداقت آشرم میں عقیدت کے ساتھ منائی گئی۔ پروگرام کی صدارت بہار ریاستی کانگریس کمیٹی کے صدر راجیش رام نے کی۔ اس موقع پر بہار کانگریس کے انچارج کرشنا الاورو اور ریاستی کانگریس صدر راجیش رام نے دیگر قائدین کے ساتھ مل کر دونوں عظیم قائدین کی تصویروں پر گلہائے عقیدت نذر کئے۔

اس موقع پر ریاستی کانگریس کے صدر راجیش رام نے کہا کہ آنجہانی داروغہ پرساد رائے نے بہار کی سیاست میں سماجی انصاف، غریبوں، کسانوں اور پسماندہ طبقات کے مفادات کی بھرپور وکالت کی۔ ان کی پوری سیاسی زندگی عوامی خدمت اور سماجی فکر کے لیے وقف تھی۔ انہوں نے کہا کہ آنجہانی داروغہ پرساد رائے کے نظریات آج بھی بہار کے لئے باعث ترغیب ہیں۔

انہوں نے کہا کہ آنجہانی داروغہ پرساد رائے اور لہٹن چودھری نے بہار پردیش کانگریس کو مضبوط بنانے اور تنظیم کو عوام تک لے جانے میں اہم رول ادا کیا۔ کانگریس کے تئیں ان کی لگن، لڑنے کا جذبہ اور ان کی تنظیمی صلاحیتیں کانگریس کے کارکنوں کو ہمیشہ ترغیب دیتی رہیں گی۔ اس موقع پر بہار کانگریس کے انچارج کرشنا الاورو، ڈسپلنری کمیٹی کے چیئرمین کپل دیو پرساد یادو، ڈاکٹر سنجے یادو، پنکج یادو، ویدیا ناتھ شرما، اور دیگر نے گلپوشی کی۔

ہندوستھان سماچار

ہندوستان سماچار / Mohammad Afzal Hassan