ممبئی ، 2 ستمبر (ہ س) پرنو کنسٹرکشنس لمیٹڈ کا ابتدائی عوامی پیشکش آئی پی او 7 ستمبر کو سرمایہ کاری کے لیے کھلے گا اور سرمایہ کار 9 ستمبر تک اس میں بولی لگا سکیں گے۔ کمپنی نے اس آئی پی او کے لیے فی شیئر 118 سے 124 روپے کی پرائس بینڈ مقرر کی ہے۔ کمپنی نے بدھ کو ایک پریس کانفرنس میں بتایا کہ آئی پی او 7 ستمبر کو کھلے گا اور 9 ستمبر کو بند ہوگا۔ اینکر سرمایہ کار اس پیشکش میں 4 ستمبر کو بولی لگا سکیں گے۔پرنو کنسٹرکشنس لمیٹڈ کا یہ آئی پی او 315.60 کروڑ روپے تک کے فریش ایشو پر مشتمل ہے۔ اس کے علاوہ سرمایہ کار شیئر ہولڈر بایو انرجی انڈیا انفرا پرائیویٹ لمیٹڈ کی جانب سے مجموعی طور پر 2,856,869 ایکویٹی شیئرس کی فروخت کی پیشکش بھی اس آئی پی او میں شامل ہے۔ کمپنی کے مطابق، 10 روپے فی شیئر فیس ویلیو والے اس ایشو میں سرمایہ کار کم از کم 120 ایکویٹی شیئرس کے لیے بولی لگا سکیں گے۔ اس کے بعد 120 ایکویٹی شیئرس کے مضاعف میں بولی لگائی جا سکے گی۔ کمپنی نے ان شیئرس کو نیشنل اسٹاک ایکسچینج اور بمبئی اسٹاک ایکسچینج، دونوں میں لسٹ کرنے کی تجویز پیش کی ہے۔سال 2003 میں قائم پرنو کنسٹرکشنس لمیٹڈ رئیل اسٹیٹ شعبے کی ایک بڑی کمپنی ہے۔ کمپنی ممبئی کی نمایاں ری ڈیولپمنٹ کمپنیوں میں شامل ہے اور بنیادی طور پر شہر کے مغربی مضافاتی علاقوں میں ری ڈیولپمنٹ منصوبوں پر کام کرتی ہے۔ کمپنی کی توجہ افورڈیبل، مڈ، ماس اور اسپائریشنل ہاؤسنگ منصوبوں پر مرکوز ہے۔ ری ڈیولپمنٹ کے شعبے میں کام کرنے والی کمپنی کے اس آئی پی او کے ذریعے سرمایہ کاروں کو کمپنی میں سرمایہ کاری کا موقع حاصل ہوگا۔ہندوستھان سماچار

--------------------

ہندوستان سماچار / جاوید این اے