سرینگر، 2 ستمبر (ہ س): ۔جنوبی کشمیر کے ضلع کولگام کے قاضی گنڈ علاقے میں ایک 18 سالہ نوجوان کو مبینہ طور پر ایک نامعلوم شخص کی طرف سے حملہ کرنے اور اسےزندہ جلانے کی کوشش کے بعد جھلس کر زخمی ہو گیا ۔پولیس کےایک اہلکار نے بتایا کہ زخمی نوجوان، جس کی شناخت 18 سالہ (نام ظاہر نہیں کیا گیا) کے طور پر کی گئی ہے، جو چوگام، قاضی گنڈ کا رہنے والا ہے، کو ابتدائی طور پر گورنمنٹ میڈیکل کالج (جی ایم سی) اننت ناگ میں علاج کے لیے لے جایا گیا ہے۔

اہلکار نے بتایا کہ بعد میں انہیں خصوصی علاج کے لیے سری نگر کے ایس ایم ایچ ایس اسپتال بھیج دیا گیا۔ ابتدائی معلومات کے مطابق نوجوان پر مبینہ طور پر ایک نامعلوم شخص نے پیچھے سے حملہ کیا، جس نے موقع سے فرار ہونے سے قبل اس پر پٹرول چھڑک کر آگ لگا دی۔

اس واقعہ میں نوجوان کو کئی زخم آئے ہیں اور اس وقت وہ سری نگر کے ایس ایم ایچ ایس اسپتال میں زیر علاج ہیں۔ ایک سینئر پولیس افسر نے بتایا کہ معاملے کا نوٹس لیا گیا ہے اور ایف آئی آر درج کر لی گئی ہے۔

افسر نے بتایا کہ ملزم کی شناخت اور واقعے کے ارد گرد کے حالات کا پتہ لگانے کے لیے مزید تفتیش جاری ہے۔ہندوستھان سماچار

ہندوستان سماچار / Aftab Ahmad Mir