دربھنگہ، 19 ستمبر (ہ س)۔ دربھنگہ ضلع کے بہیرا تھانہ علاقہ کے مہینم گاؤں میں کالی مندر چوک کے قریب کافی دیر سے کھڑی دو لاوارث کار کو پولیس نے ضبط کر لیا۔ تلاشی کے دوران ایک کار سے 401 لیٹر غیر ملکی شراب برآمد ہوئی۔ پولیس نے واقعے کے سلسلے میں ایک نوجوان کو حراست میں لیا ہے۔بہیرا تھانہ انچارج پنکج کمار نے بتایا کہ خفیہ اطلاع پر پولیس فورس کالی مندر چوک کے قریب پہنچی اور دونوں کاروں کی تلاشی لی۔ تلاشی کے دوران بھاری مقدار میں غیر ملکی شراب برآمد ہوئی۔ کار کے قریب موجود ایک شخص سے گاڑی کے بارے میں سوال کیا گیا لیکن وہ کوئی تسلی بخش جواب نہیں دے سکا۔

تصدیق کے بعد مہینم کے رہنے والے درگیش کمار جھا کو شراب ضبطی کے سلسلے میں گرفتار کیا گیا۔ اس کے پاس سے ایک موبائل فون بھی برآمد ہوا ہے۔ پولیس کے مطابق پوچھ گچھ کے دوران مہینم کے رہنے والے منیش کمار جھا کے ملوث ہونے کا انکشاف ہوا ہے۔ پولیس اس کی گرفتاری کے لیے چھاپہ ماری کر رہی ہے ۔ پولیس معاملے کی تحقیقات کر رہی ہے اور مزید کارروائی کر رہی ہے۔ہندوستھا ن سماچار

ہندوستان سماچار / Mohammad Afzal Hassan