جنوبی ہندوستانی اداکارہ نینتارا کی بہت زیادہ انتظار کی جانے والی فلم 'مہا شکتی' کا ٹیزر جاری کر دیا گیا ہے۔ سندر سی کی ہدایت کاری میں بننے والی اس فلم میں نینتارا کو ایک بار پھر مقبول کردار موکوتھی امن کے طور پر دکھایا گیا ہے۔ 2020 میں ریلیز ہونے والی موکوتھی امن میں ان کے کردار کو سامعین کی طرف سے خوب پذیرائی ملی۔ اب اس کی واپسی نے فلم کے بارے میں سامعین کے تجسس کو بڑھا دیا ہے۔ ٹیزر میں شاندار مناظر، بڑے پیمانے پر بنائے گئے سیٹ اور اسرار سے بھرا ہوا ماحول دکھایا گیا ہے۔

مہا شکتی کو ڈاکٹر ایشوری کے گنیش نے ویلز فلم انٹرنیشنل کے بینر تلے اونی میڈیا، آئی وی وائی انٹرٹینمنٹ اور راو¿ڈی پکچرز کے تعاون سے پروڈیوس کیا ہے۔ نینتارا کے علاوہ اس فلم میں ریجینا کیسیندرا، یوگی بابو اور اروشی بھی اہم کرداروں میں ہیں۔ ٹیزر میں نینتارا کی مضبوط اور پہلے سے مختلف شکل کو دکھایا گیا ہے۔ ہدایت کار سندر سی نے اس بار 'موکوتھی امن' کی دنیا کو بڑے پیمانے پر پیش کرنے کی کوشش کی ہے۔

یہ فلم نومبر 2026 میں ہندی، تامل، تیلگو، ملیالم اور کنڑ زبانوں میں تھیٹر میں ریلیز کی جائے گی۔ اے اے فلمز شمالی ہندوستان میں فلم کی تقسیم کو سنبھالے گی۔ نینتارا کے مقبول کردار کی واپسی اور فلم کے بڑے پیمانے کو دیکھتے ہوئے، مہا شکتی کے لئے جنوبی ہندوستانی سنیما کے ساتھ ساتھ ہندی ناظرین کی طرف سے بھی دلچسپی کا اظہارکیا جارہاہے۔

ہندوستھان سماچار

---------------

ہندوستان سماچار / عبدالسلام صدیقی