رنبیر کپور کی انتہائی متوقع افسانوی فلم رامائن کے ٹریلر کے ریلیز ہونے کے بعد، سوشل میڈیا پر اس کا موازنہ پربھاس اسٹارر آدی پرش سے کیا جانے لگا۔ اب، آدی پرش کے گیت نگار اور مصنف منوج منتشر نے اس موازنہ پر ردعمل دیتے ہوئے کہا ہے کہ دونوں فلموں کا موازنہ کرنا مناسب نہیں ہے۔ انہوں نے کہا کہ ہر فلم اپنے منفرد وژن اور پریزنٹیشن کے ساتھ بنتی ہے اور رامائن کے لیے نیک خواہشات کا اظہار کرتی ہے۔ انہوں نے فلم میں راون کا کردار ادا کرنے والے اداکار یش کی کارکردگی کی بھی تعریف کی۔

منوج منتشر نے کہا، یش ایک بالکل شاندار اداکار ہے، اس میں کوئی شک نہیں۔ میں کسی بھی ایسی فلم کے لیے نیک خواہشات کا اظہار کرتا ہوں جو ہماری افسانوی کہانیوں کو عالمی سطح پر لے جائے۔ 'رامائن' کا 'آدی پرش' سے موازنہ نہیں کیا جانا چاہیے۔ یہ تسلیم کرنے میں کوئی شرم کی بات نہیں کہ 'آدی پرش' شائقین کی توقعات پر پورا اترنے میں ناکام رہی، فلم سے جڑے ہر فرد نے سخت محنت کی، لیکن یہ ایک ناکام کوشش ثابت ہوئی۔ ان کے اس بیان کو سوشل میڈیا پر بھی کافی توجہ مل رہی ہے۔

آدی پرش کی موسیقی کا ذکر کرتے ہوئے منوج نے کہا کہ انہیں فخر ہے کہ فلم کا میوزک عوام تک پہنچا اور اتنا مقبول ہوا۔ انہوں نے امید ظاہر کی کہ رامائن کی موسیقی بھی اسی سطح کی ہوگی اور اس سے بھی آگے نکل جائے گی۔ غور طلب ہے کہ فلم کی موسیقی اے آر رحمان اور مشہور ہالی ووڈ موسیقار ہنس زیمرنے ترتیب دی ہے۔ نتیش تیواری کی ہدایت کاری میں بننے والی اس فلم میں رنبیر کپور، سائی پلوی، یش، سنی دیول، روی دوبے اور لارا دتہ نے اہم کردار ادا کیے ہیں۔ یہ فلم 2026 کی دیوالی پر سینما گھروں میں ریلیز کی جائے گی۔

ہندوستھان سماچار

---------------

ہندوستان سماچار / عبدالسلام صدیقی