جموں, 29 اگست (ہ س): کشتواڑ ضلع میں 15 سالہ لڑکی کے ساتھ مبینہ زیادتی اور بعد ازاں اس کی موت کے معاملے کی تحقیقات جموں و کشمیر پولیس کی کرائم برانچ کے حوالے کر دی گئی ہیں۔حکام کے مطابق متاثرہ لڑکی کے ساتھ اس کے اسکول کے ایک استاد کی جانب سے کئی ماہ تک مبینہ زیادتی کی گئی۔ لڑکی کی 20 اگست کو حمل ختم کرنے کے عمل کے دوران موت واقع ہوئی تھی۔اس معاملے کی تحقیقات کے لیے تشکیل دی گئی خصوصی تحقیقاتی ٹیم نے اب تک چھ افراد کو گرفتار کیا ہے، جن میں مبینہ زیادتی کا ملزم استاد اور ایک نرس بھی شامل ہیں۔

کیس کرائم برانچ کو ایسے وقت میں منتقل کیا گیا ہے جب واقعے کی فوری اور جامع تحقیقات کے ساتھ ساتھ قصورواروں کے خلاف سخت کارروائی کا مطالبہ زور پکڑ رہا ہے۔کرائم برانچ کی انسپکٹر جنرل آف پولیس سارہ رضوی نے کیس کی منتقلی کی تصدیق کرتے ہوئے کہا کہ پولیس ہیڈکوارٹر کی جانب سے اس سلسلے میں مواصلت موصول ہوئی ہے۔ انہوں نے کہا کہ کرائم برانچ کیس کا چارج سنبھالنے کے عمل میں ہے۔

ہندوستھان سماچار

---------------

ہندوستان سماچار / محمد اصغر